ᑐᕋᖅᑐᖅ ᓄᑖᒧᑦ ᐅᑭᐅᖅᑕᖅᑐᑉ ᐊᑐᐊᒐᒃᓴᖓᓄᑦ

ᐅᑯᓇᖓᑦ ᓄᓇᖃᖅᑳᖅᑐᑐᖃᐃᑦ ᐊᒻᒪᓗ ᐅᑭᐅᖅᑕᖅᑐᒥ ᐱᓕᕆᐊᖑᕙᓪᓕᐊᔪᓄᑦ ᑲᓇᑕᒥ

ᒫᓐᓇ ᖃᓄᐃᓕᖓᓂᖓ: ᒪᑐᐃᖓᔪᖅ

ᐅᓇ ᐱᓕᕆᔭᐅᕙᓪᓕᐊᓕᓚᐅᖅᑐᖅ ᐊᐃᕆᓕ 2017-ᒥ ᑭᒃᑯᑐᐃᓐᓇᓪᓗ ᐅᖃᕐᕕᒃᓴᖃᕈᓐᓇᖅᖢᑎᒃ ᔮᓄᐊᕆᐅᑉ ᕖᕗᐊᕆ 2018ᒥ.

ᖃᓄᐃᒻᒪᑦ

ᑎᓯᐱᕆ 20, 2016ᒥ, ᑲᓇᑕᐅᑉ ᓯᕗᓕᐅᖅᑎᖓ ᔭᔅᑎᓐ ᑐᕉᑐ ᑐᓴᖅᑎᑦᑎᓚᐅᖅᑐᖅ ᐅᓇ ᓄᑖᖅ ᐅᑭᐅᖅᑕᖅᑐᑉ ᐊᑐᐊᒐᖅ ᑲᑐᑎᔭᐅᓗᓂ ᐱᕙᓪᓕᐊᑎᑕᐅᓂᐊᖅᑐᖅ ᐃᑲᔪᖃᑎᒌᒡᓗᑎᒃ ᓄᓇᖃᖅᑳᖅᓯᒪᔪᑦ, ᐅᑭᐅᖅᑕᖅᑐᕐᒥ ᐊᕕᒃᑐᖅᓯᒪᔪᓂ ᐊᒻᒪᓗ ᑲᓇᑕᒥ ᐊᕕᒃᑐᖅᓯᒪᔪᓂ ᐱᓇᓱᐊᖃᑎᒌᑦ ᐃᓇᖐᓂᐊᕐᒪᑕ ᑲᓇᑕᐅᑉ ᐅᑭᐅᖅᑕᖅᑐᒧᑦ ᐋᖅᑭᒃᓯᒪᔾᔪᑎᒃᓴᖓᑦ (2009) ᐊᒻᒪᓗ ᐅᖃᖅᓯᒪᔪᑦ ᑲᓇᑕᐅᑉ ᐅᑭᐅᖅᑕᖅᑐᐊ ᐊᑭᐊᓄᑦ ᐊᑐᐊᒐᖅ (2010).

ᐅᓇ ᐱᕙᓪᓕᐊᓂᖓ ᐋᖅᑭᒃᓯᒪᓂᐊᖅᑐᑦ ᐊᖏᖅᓯᒪᔭᖏᑦᑎᒍᑦ ᐊᒥᐊᓕᑲᒥᐅᑦ-ᑲᓇᑕ ᑲᑐᔾᔨᓪᓗᑎᒃ ᓯᕗᓕᐅᖅᑎᑦ ᐅᖃᖅᓯᒪᔭᖏᒃ ᐊᒻᒪᓗ ᖃᐅᔨᒪᑎᑕᐅᓛᖅᖢᓂ ᒥᐊᓕ ᓴᐃᒪᓐ ᐅᓂᒃᑳᓕᐊᖏᓐᓄᑦ ᑕᒪᐃᓐᓂᑦ ᐊᑐᖅᑕᐅᔪᖅ ᐅᑭᐅᖅᑕᖅᑐᒥ ᐊᖓᔪᖅᑳᖑᓂᕐᒧᑦ ᐃᓚᐅᑎᑦᑎᓂᕐᒧᑦ. ᑲᓇᑕᐅᑉ ᒐᕙᒪᑐᖃᖓ ᐃᓕᓴᖅᓯᔪᖅ ᐱᓕᕆᔭᐅᕐᔪᐊᖅᓯᒫᓂᒃᑐᓂᒃ ᐱᒻᒪᕆᐅᓪᓗᑎᒃ ᐃᓚᒋᔭᑦᑎᓐᓄᑦ ᐋᖅᑭᒃᓱᐃᓂᕐᒥᓂᒃ ᓯᕗᓪᓕᐅᑎᑕᒥᓂᒃ ᓇᖕᒥᓂᖅ ᐊᕕᒃᓯᒪᓂᕆᔭᒥᖕᓄᑦ. ᐅᓇ ᐱᕙᓪᓕᐊᓂᖓ ᑐᙵᕕᖃᓛᖅᑐᖅ ᐃᓇᖏᖅᓰᙱᖔᕐᓗᓂ ᑖᒃᑯᓂᖓ ᐱᒻᒪᕆᐅᔪᓂᒃ ᐱᓕᕆᐊᕆᔭᐅᓯᒪᔪᓂᒃ.

ᑭᒃᑯᑦ

ᑲᓇᑕᐅᑉ ᒐᕙᒪᒃᑯᖏᑦ ᓴᓇᖃᑎᖃᕐᓂᐊᖅᑐᑦ ᐃᑲᔪᖃᑎᒌᒡᓗᑎᒃ ᐅᑭᐅᖅᑕᖅᑐᕐᒥ ᐊᕕᒃᑐᖅᓯᒪᔪᑦ, ᑲᓇᑕᒥ ᐊᕕᒃᑐᖅᓯᒪᔪᑦ ᐊᒻᒪᓗ ᓄᓇᖃᖅᑳᖅᓯᒪᔪᑦ ᑲᑎᒪᔨᐅᔪᑦ ᓇᓗᓇᐃᖅᓯᓗᑎᒃ ᐊᒻᒪᓗ ᓴᓇᓗᑎᒃ ᐊᑯᓂᐅᔪᒃᑯᑦ ᑕᐅᑦᑐᕆᔭᐅᓂᐊᖅᑐᓂᑦ 2030ᒧᑦ ᑲᓇᑕᒥᐅᓄᑦ ᐊᒻᒪᓗ ᓄᓇᕐᔪᐊᑉ ᑲᔾᔨᐊᓂ ᐅᑭᐅᖅᑕᖅᑐᒦᑦᑐᑦ.

ᑕᒪᕐᒥᒃ ᒐᕙᒪᒃᑯᑦ ᐱᒋᐊᕈᑎᖓ ᐃᓚᖃᖅᑐᖅ ᐊᒥᓱᓂᒃ ᐊᐅᓚᑦᓯᕕᖏᓐᓂᒃ ᐊᒻᒪᓗ ᑎᒥᖁᑎᖏᓐᓂᒃ ᓇᓂᑐᐃᓐᓇᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ ᐃᑲᔫᑎᓂᐊᖅᑐᑦ ᑕᒪᑐᒧᖓ ᐱᕙᓪᓕᐊᓂᖓᓄᑦ. ᐅᓇ ᐃᓚᖃᖅᑐᖅ ᓴᓇᖅᑲᑎᖃᕐᓗᑎᒃ ᐋᖅᑭᒃᑕᐅᓯᒪᓗᑎᒃ ᐃᓱᓕᑦᑕᕐᕕᒋᓂᐊᖅᑕᖏᑦ ᖃᖓᐅᓕᖅᐸᑦ ᑲᑐᔾᔨᖃᑎᒌᒡᓗᑎᒃ ᐸᕐᓇᐃᓗᑎᒃ, ᑎᑎᕋᕐᓗᑎᒃ ᐊᒻᒪᓗ ᖃᐅᔨᓇᓱᑦᑎᐊᕐᓗᑎᒃ ᐋᖅᑭᒃᓱᖅᓯᒪᔪᓂᑦ ᓯᕗᓪᓕᖅᐸᐅᑎᑕᕆᐊᓕᖕᓂᒃ ᐊᒻᒪᓗ ᐋᖅᑭᒃᓯᒪᔾᔪᑎᒃᓴᖏᓐᓂᒃ ᑲᓇᑕᒧᑦ ᐅᑭᐅᖅᑕᖅᑐᒥ.

ᑲᓇᑕᐅᑉ ᒐᕙᒪᒃᑯᖏᑦ ᐱᓇᓱᐊᖃᑎᖃᕐᓂᐊᖅᑐᑦ ᑲᓇᑕᒥ ᓄᓇᖃᖅᑳᖅᓯᒪᔪᑦ ᑎᒥᖏᓐᓂᒃ ᐊᒻᒪᓗ ᐋᖅᑭᒃᓯᓯᒪᓂᐊᖅᑐᑦ ᐊᕕᒃᑐᖅᓯᒪᔪᓂ ᑲᑎᒪᑎᑦᑎᓗᑎᒃ ᕿᓂᕐᓗᑎᒃ ᑭᐅᔾᔪᑕᐅᔪᓐᓇᖅᑐᓂᒃ ᓄᓇᓕᖕᓂ ᓄᓇᖃᖅᑳᖅᓯᒪᔪᑦ ᑲᑎᒪᔨᖏᓐᓂᑦ. ᐊᓯᖏᓐᓂᒃ ᐱᕕᒃᓴᖅᑕᖃᓛᖅᑐᖅ ᑐᓴᖅᑎᑦᑎᕝᕕᒃᓴᖃᖅᑎᑕᐅᓗᑎᒃ.

ᑕᒪᐃᓐᓂᑦ ᐱᓕᕆᔪᒪᔪᓂᑦ ᐱᓇᓱᐊᖃᑎᒌᓂᑦ ᐅᖃᐅᓯᒃᓴᖏᑦ ᑐᙵᓱᒃᑎᑕᕗᑦ.

ᑭᓱ

ᑲᑲᓇᑕ ᐅᑭᐅᖅᑕᖅᑐᒧᑦ ᐃᓚᒋᔭᐅᕗᖅ ᐊᒻᒪᓗ ᑲᓇᑕᐅᑉ ᒐᕙᒪᑐᖃᖓ ᐃᓕᓴᖅᓯᓯᒪᔪᖅ ᐅᑭᐅᖅᑕᕐᒥ ᐊᐅᓚᑦᑎᓂᖅ ᑕᒪᐃᓐᓂᑦ ᓯᕗᓕᐅᖃᑎᒌᒍᑕᐅᔭᕆᐊᖃᕐᓂᖓᓂᒃ. ᑕᐃᒪᓗ ᒐᕙᒪᑐᖃᒃᑯᑦ ᐋᖅᑭᒃᓯᓯᒪᕗᑦ ᓯᕗᓪᓕᖅᐸᐅᑎᑕᕆᐊᖃᖅᑕᒥᖕᓂᒃ ᐊᒡᒋᖅᑐᓄᑦ ᐅᑭᐅᓄᑦ, ᓴᓇᖃᑎᖃᕐᓂᐊᖅᑐᖅ ᖃᓂᒋᓗᒋᑦ ᐅᑭᐅᖅᑕᖅᑐᒥ ᓄᓇᖃᖅᑐᑦ ᐊᒻᒪᓗ ᒐᕙᒪᒃᑯᑦ ᐊᑐᕐᓂᐊᕐᒪᑕ ᑕᐅᑦᑐᕆᔭᖏᑦ ᐊᒻᒪᓗ ᓯᕗᓪᓕᖅᐸᐅᑎᑕᕆᐊᖃᖅᑕᖏᑦ ᓯᕗᓪᓕᖅᐸᐅᑎᑕᐅᓂᐊᕐᒪᑕ ᐊᑐᐊᒐᕐᒥ ᐃᓱᒪᓕᐊᖑᓂᐊᖅᑐᓂ ᐊᒃᑐᐃᓂᐊᖅᑐᑦ ᓯᕗᓂᒃᓴᖓᓂ ᑲᓇᑕᐅᑉ ᐅᑭᖅᑕᖅᑐᐊᓂᒃ ᐊᒻᒪᓗ ᑲᓇᑕᐅᑉ ᐃᓂᖓ ᓯᓚᕐᔪᐊᑉ ᑲᔾᔨᐊᓂ ᐅᑭᐅᖅᑕᖅᑐᖏᓐᓂᑦ. ᐅᓇ ᓄᑖᖅ ᐊᑐᐊᒐᒃᓴᖅ ᓴᕿᑕᐅᓂᐊᖅᑐᖅ ᐋᖅᑭᒋᐊᑦᓯᐊᑲᓐᓂᖁᓪᓗᒋᑦ ᐊᒻᒪᓗ ᓯᕗᓪᓕᖅᐸᐅᑎᖄᕐᓗᒋᑦ ᒐᕙᒪᑐᖃᒃᑯᑦ ᖃᓄᐃᓕᐅᕈᑎᒋᔭᖏᑦ ᐅᑭᐅᖅᑕᖅᑐᒧᑦ. ᐅᓇ ᐊᕙᓗᖓ ᑕᐃᒪᓐᓇᐅᔪᖅ ᐅᓄᖅᓯᒋᐊᖁᓪᓗᒋᑦ ᐱᓇᓱᐊᖃᑎᒌᑦ ᐊᒻᒪᓗ ᐃᑲᔪᖃᑎᒌᑦᑎᐊᕐᓗᑎᒃ ᐊᕙᑖᓂ ᒐᕙᒪᑐᖃᒃᑯᑦ, ᓄᓇᖃᖅᑳᖅᓯᒪᔪᑦ ᐊᒻᒪᓗ ᑎᐊᓕᑐᐊᓕ ᐊᒻᒪᓗ ᑲᓇᑕᐅᑉ ᐊᕕᒃᑐᖅᓯᒪᔪᖏᓐᓂ ᒐᕙᒪᒃᑯᑦ.

ᐅᓇ ᐊᕙᓗᒃᓴᖓ ᐊᑑᑎᖃᕐᓂᐊᖅᑐᖅ ᐅᑯᓄᖓ:

ᑕᐃᒪᓗ ᔫᓐ 2017, ᐊᒥᓲᔪᑦ ᑐᑭᑖᕆᓂᐊᖅᑕᖏᑦ ᓇᓗᓇᐃᖅᑕᐅᓚᐅᖅᑐᑦ, ᐅᑯᐊᓗ ᐋᖅᑭᑦᑎᐊᑲᓐᓂᕐᓂᐊᖅᑐᑦ ᐅᖃᖃᑎᒌᒍᑕᐅᓗᑎᒃ ᐱᓇᓱᐊᖃᑎᒋᔭᑦᑎᓂᑦ:

ᐅᓇ ᐱᕙᓪᓕᐊᓂᖓ ᑐᓴᖅᑎᑦᑎᔾᔪᑎᒋᓂᐊᖅᑕᖓ ᑕᒪᐅᓐᓇ ᑭᖑᓪᓕᖅᐹᖅᓯᐅᑎᒥᒍᑦ ᐱᔭᕇᖅᓯᒍᑎᒥᒍᑦ ᒥᐊᓂ ᓴᐃᒪᓐ ᑖᒃᑯᓇᖓᑦ ᑕᒪᐃᓐᓂᑦ ᐊᑐᖅᑕᐅᔪᖅ ᐅᑭᐅᖅᑕᖅᑐᒥ ᐊᖓᔪᖅᑳᖑᓂᕐᒧᑦ ᐃᓚᐅᑎᑦᑎᓂᕐᒧᑦ ᐊᒻᒪᓗ ᐊᑖᓂ ᑎᑎᕋᖅᓯᒪᔪ ᐅᑭᐅᖅᑕᖅᑐᒥ ᓯᕗᓪᓕᐅᖅᑎᑦ ᑐᑭᑖᕈᑎᒋᕙᓪᓕᐊᓂᐊᖅᑕᖏᑦ:

ᐊᓯᖏᑦ ᓯᕗᓪᓕᖅᐸᐅᑎᒋᐊᓕᑦ ᐊᑑᑎᖃᒻᒪᕆᒃᑐᓄᑦ ᐅᑭᐅᖅᑕᖅᑐᒥ ᓄᓇᖃᖅᑐᓄᑦ, ᐊᒻᒪᓗ ᐱᓕᕆᔭᕆᐊᓕᑦ ᑎᑎᖃᓂᑦ ᐊᒻᒪᓗ ᐅᖃᐅᓯᕐᓂᑦ ᑐᓐᓂᖁᑕᐅᔪᓂᒃ ᐊᕕᒃᑐᖅᓯᒪᔪᓂ ᑲᑎᒪᔪᓂᑦ ᐊᒻᒪᓗ ᖃᕆᓴᐅᔭᒃᑯᑦ, ᐊᒻᒪᓗ ᐃᓱᒪᒋᑦᑎᐊᕐᓗᒋᑦ ᐱᕙᓪᓕᐊᑎᑕᐅᓂᖓ ᑲᓇᑕᐅᑉ ᓄᑖᖅ ᐅᑭᐅᖅᑕᖅᑐᒧᑦ ᐊᑐᐊᒐᒃᓴᖓ.

ᑕᒪᐅᓐᓇ ᐱᕙᓪᓕᐊᓂᖃᕐᓗᓂ, ᑲᓇᑕᐅᑉ ᒐᕙᒪᒃᑯᖏᑦ ᕿᓂᖅᑐᑦ ᓇᓗᓇᐃᖅᓯᒍᒪᓪᓗᑎᒃ:

ᑕᐃᒪᓗ ᓄᑖᖅ ᐅᑭᐅᖅᑕᖅᑐᒥ ᐊᑐᐊᒐᒃᓴᖅ ᖃᐅᔨᒪᑎᑦᑎᔾᔪᑎᒃᓴᓂᒃ ᐃᓱᒪᓕᐅᕈᑎᖃᖃᑦᑕᕐᓂᐊᖅᑐᖅ ᑲᓇᑕᒥ ᐊᒻᒪᓗ ᓄᓇᕐᔪᐊᒥ ᑲᔾᔨᖏᓐᓂ ᓄᓇᓖᑦ ᐅᑭᐅᖅᑕᖅᑐᒥ, ᑲᓇᑕᐅᑉ ᒐᕙᒪᒃᑯᖏᑦ ᐱᓯᒪᓗᒍ ᐃᓱᒪᓕᐊᕈᓐᓇᕐᓂᑎᒃ ᐱᔾᔪᑕᐅᔪᓄᑦ ᐱᓯᒪᑎᓪᓗᒋᑦ ᑲᓇᑕᒥᒃ ᓴᐳᓐᓂᐊᕐᓂᖅ, ᓄᓇᖅᑲᑎᒋᙱᑕᖏᑦ ᐊᑭᐊᓂᕐᒥᐅᑦ ᐊᑐᐊᒐᖏᑦ ᐊᒻᒪᓗ ᐊᓯᖏᓐᓂᑦ ᑲᓇᑕ ᐱᔪᒪᔭᖏᓐᓂᒃ.

ᖃᖓ ᐊᒻᒪᓗ ᓇᓂ

ᐅᑯᐊ ᐊᕕᒃᑐᖅᓯᒪᔪᓂ ᑲᑎᒪᓂᐊᖅᑐᑦ ᖃᐃᖁᔭᐅᓗᑎᒃ ᑭᓯᐊᓂ ᐃᓚᐅᔪᓐᓇᖅᑐᑎᑦ ᐊᓯᐊᒍᑦᑕᐅᖅ.

ᐅᓪᓗᖓ ᓇᓃᓛᕐᓂᖓ
ᐅᑐᐱᕆ 4, 2017 ᑰᒃᔪᐊᕌᓗᒃ, ᒪᓂᑑᐸ
ᐅᑐᐱᕆ 11, 2017 ᓇᐃᓐ, ᓅᕙᐅᓐᓛᓐ ᐊᒻᒪᓗ ᓛᐸᑐᐊ
ᐅᑐᐱᕆ 12, 2017 ᒎᔅ ᐸᐃ, ᓅᕙᐅᓐᓛᓐ ᐊᒻᒪᓗ ᓛᐸᑐᐊ
ᐅᑐᐱᕆ 30-ᒥᑦ 31-ᒧᑦ, 2017 ᑰᒃᔪᐊᖅ, ᑯᐸᐃᒃ
ᓄᕕᐱᕆ 2, 2017 ᐃᖃᓗᐃᑦ, ᓄᓇᕗᑦ
ᓄᕕᐱᕆ 8ᒥᑦ 9ᒧᑦ, 2017 ᐃᓅᕕᒃ, ᓄᓇᑦᓯᐊᖅ
ᐋᓐᑎᐅᕆᔫ ᐱᖓᔪᖓᑦ ᑎᓯᐱᕆ 13-ᒥᑦ 14-ᒧᑦ, 2017 ᔭᓗᓇᐃ, ᓄᓇᑦᓯᐊᖅ
ᓄᙳᐊᓄᑦ 17, 2018 ᐋᑐᕚ, ᐊᓐᑎᐊᕆᐅ
ᕕᕝᕗᐊᕆ 5, 2018 ᐅᐃᑦᕼᐅᐊᔅ, ᐊᓐᑎᐅᕆᔫ
ᕕᕝᕗᐊᕆ 6, 2018 ᐅᐃᑦᕼᐅᐊᔅ, ᐊᓐᑎᐅᕆᔫ
ᕕᕝᕗᐊᕆ 7, 2018 ᐅᐃᑦᕼᐅᐊᔅ, ᐊᓐᑎᐅᕆᔫ
ᕕᕝᕗᐊᕆ 8, 2018 ᐅᐃᑦᕼᐅᐊᔅ, ᐊᓐᑎᐅᕆᔫ
ᕕᕝᕗᐊᕆ 9, 2018 ᐅᐃᑦᕼᐅᐊᔅ, ᐊᓐᑎᐅᕆᔫ
ᕕᕝᕗᐊᕆ 13, 2018 ᑐᕌᓐᑐ, ᐊᓐᑎᐅᕆᔫ
ᕕᕝᕗᐊᕆ 22, 2018 ᑖᒻᓴᓐ, ᒪᓂᑐᐸ

ᑲᑎᒪᓂᒃᑯᑦ ᐅᖃᓪᑲᑕᖕᓂᖅ ᐋᑐᕚᒥ ᕕᕗᐊᕆ 5-ᒥ 9-ᒧ ᐃᓚᖃᕐᓂᐊᖅᑐᑦ ᑭᒡᒐᖅᑐᐃᔨᓂᒃ ᐱᓕᕆᕕᒃᓂᑦ ᒪᑯᓇᙵᑦ ᐅᔭᕋᒃᓂᐊᕐᕕᓕᕆᓂᕐᒥᑦ, ᐅᖅᓱᐊᓗᓕᕆᓂᕐᒥᑦ ᐊᒻᒪ ᒑᓴᓖᓕᕆᓂᕐᒥᑦ ᐱᓕᕆᐊᖃᖅᑐᓂᒃ; ᐱᓕᕆᓕᖅᑎᑦᑎᔨᐅᕙᒃᑐᑦ ᐱᓕᕆᕕᒃᓂᒃ ᒪᑐᓇᙵᑦ; ᒐᕙᒪᐅᙱᑦᑐᓂᒃ, ᒐᕙᒪᒃᑰᙱᑦᑐᖅ ᑲᑐᔾᔨᖃᑎᒌᓂᒃ; ᖃᐅᔨᓴᖅᑐᓕᕆᔨᓂᒃ, ᖃᐅᔨᓴᖅᑎᓂᒃ, ᐃᓕᓐᓂᐊᖅᐸᒃᑐᓂᒃ ᐊᒻᒪ ᐃᓅᓱᒃᑐᓂᒃ."

ᖃᓄᖅ ᐃᓚᐅᔪᓐᓇᖅᐱᑦ

ᐅᖃᐅᑎᔪᓐᓇᖅᑕᑎᒍᑦ ᖃᓄᖅ ᑲᓇᑕ ᐃᑲᔪᕈᓐᓇᕐᓂᖏᓐᓂᒃ ᓴᖏᒃᑎᑎᓪᓗᒋᑦ, ᐊᔪᖅᓴᓐᖏᑦᑎᐊᓕᖁᓪᓗᒋᑦ ᐊᒻᒪᓗ ᑲᔪᖏᑦᑎᐋᖁᓪᓗᒋᑦ ᐅᑭᐅᖅᑕᖅᑐᖃᕐᓗᑎᒃ. ᐱᖓᓲᔪᑦ ᐱᓕᕆᐊᖑᔪᓐᓇᖅᑐᑦ ᐃᓚᐅᔪᒪᔪᑦ ᐃᒪᓐᓇᐃᓕᐅᕐᓗᑎᒃ:

  1. ᐊᕕᒃᓯᒪᔪᒧᑦ ᐅᖃᓪᓚᖃᑎᒌᖕᓂᕐᒧᑦ ᑲᑎᒪᔭᖅᑐᖃᑕᐅᓗᑎᑦ (ᖃᐃᖁᔭᐅᓂᒃᑯᑦ ᑭᓯᐊᓂ)
  2. ᐅᖃᓕᒫᕐᓗᒍ ᐅᖃᖃᑎᒌᒍᑎᒃᓴᑦ ᑐᑭᒧᐊᒍᑎᖏᑦ ᐊᒻᒪᓗ ᐊᐅᓪᓚᖅᑎᑦᑎᓗᑎᑦ ᑐᕌᕈᑎᑦᑎᓄᑦ ᐅᖃᖃᑎᒋᑎᒍᑦ
  3. ᐅᖃᓕᒫᕐᓗᒍ ᐅᖃᖃᑎᒌᒍᑎᒃᓴᑦ ᑐᑭᒧᐊᒍᑎᖏᑦ ᐊᒻᒪᓗ ᐊᐅᓪᓚᖅᑎᑦᑎᓗᑎᑦ ᐃᒡᕕᑦ ᑭᐅᓯᔾᔪᑎᖏᓐᓂᒃ ᐅᕗᖓ ᑎᑎᕋᕐᓗᑎᑦ ArctiqueEnsemble-ArcticTogether@canada.ca
  4. ᐊᐅᓪᓚᖅᑎᑦᑎᓗᑎᑦ ᐅᖃᓗᕋᐅᔭᕐᕕᒃ ᐅᕙᓂ #ArcticTogether

ᑕᕐᕆᔭᐅᓴᓪᓕᐊᖑᓯᒪᔪᑦ

ᐊᑕᔪᑦ ᐃᑭᐊᖅᑭᒃᕕᒃᑎᒍᑦ

ᐅᖃᖃᑎᒋᑎᒍᑦ

Arctic Policy Framework (ᐅᑭᐅᖅᑕᖅᑐᒥ ᐊᑐᐊᒐᒃᓴᖅ)
15 rue Eddy, 14th floor
Gatineau QC K1A 0H4

ArctiqueEnsemble-ArcticTogether@canada.ca

Date modified: