ᕼᐋᐸᒃᑯᑦ ᒐᕙᒪᒃᑯᖏᑦ ᓴᕿᑎᑦᑎᕗᑦ ᒪᓕᒐᒃᓴᓂᒃ ᓴᖏᓂᖅᑖᕈᑕᐅᒃᑲᓐᓂᕐᓂᐊᖅᑐᓂᒃ ᑲᓇᑕᒥᐅᑦ ᖁᑦᑎᒃᑐᒥ ᐅᑭᐅᖅᑕᖅᑑᓂᕐᒥ ᖃᐅᔨᓴᕐᕕᐅᔪᓐᓇᕐᓂᕐᒧᑦ

ᐱᖁᔭᒃᓴᖅ-XXX, ᑕᐃᔭᐅᔪᖅ TITLE, ᓴᕿᑎᑕᐅᓚᐅᖅᑐ ᐃᓚᒋᔭᐅᓂᕐᒧᑦ ᐱᖁᔭᒃᓴᒧᑦ XX ᑲᓇᑕᒧᑦ ᒪᓕᒐᓕᐅᕐᕕᖕᒥ ᐅᓪᓗᖓᓂ X

ᐊᒃᑑᐱᕆ, XX, 2014    ᐋᑐᕚ, ᐋᓐᑎᐅᕆᔪ       ᓄᓇᖃᖄᖅᑐᓕᕆᔨᒃᑯᑦ ᑲᓇᑕᒥ ᐊᒻᒪᓗ ᐅᑭᐅᖅᑕᖅᑐᒥ ᐱᕙᓪᓕᐊᓕᕆᓂᕐᒧᑦ ᑲᓇᑕᒥ

ᐊᔾᔨᖁᑎᒦᑦᑐᑦ: ᐃᖃᓗᒃᑑᑦᑎᐊᕐᓂ, ᓄᓇᕗᒻᒥ, ᐅᑭᐅᖅᑕᖅᑐᒥ ᖃᐅᔨᓴᕐᕕᒃ ᐊᑐᖅᑕᐅᔪᓐᓇᕐᓂᐊᖅᑐᖅ ᐊᕐᕋᒍᓕᒫᖅ ᓄᓇᕐᔪᐊᓕᒫᒥ ᐱᐅᓂᖅᐹᖑᔪᓂᒃ ᖃᐅᔨᓴᕐᕕᐅᓗᓂ ᐊᒻᒪᓗ ᓴᓇᕐᕈᑎᒃᓴᖃᐅᑦᑎᐊᕐᓗᓂ ᑲᓇᑕᐅᑉ ᐅᐊᖕᓇᖅᐸᓯᐊᓂ. ᑕᐃᓐᓇ ᖃᐅᔨᓴᕐᕕᒃᓴ ᐃᖃᓚᕐᑲᕐᓂᐊᖅᑐᖅ ᖃᐅᔨᓴᕐᕕᒐᓴᖕᓂᒃ, ᓴᓇᕐᕈᑎᒃᓴᓕᐅᕐᕕᒃᓴᓂᒃ, ᖃᐅᔨᒪᔭᐅᔪᑐᖃᓂᕐᒃ ᐱᓕᕆᐊᖃᕐᕕᖕᒥ  ᐊᒻᒪᓗ ᐃᓂᒃᓴᖃᕐᓗᑎᒃ ᐃᓕᓐᓂᐊᖅᑎᑦᑎᔪᓐᓇᕐᓂᕐᒧᑦ, ᐊᔪᕈᓐᓃᖅᓴᖅᑕᐅᔪᓐᓇᕐᓂᕐᒧᑦ ᓄᓇᓕᖕᒥᐅᓪᓗ ᐃᓚᐅᑎᑕᐅᕕᒃᓴᖏᓐᓄᑦ ᐃᓂᒃᓴᖃᖅᑎᑕᐅᓗᑎᒃ.

ᐅᓪᓗᒥ, ᑲᓇᑕᒧᑦ ᒪᓕᒐᓕᐅᕐᕕᖕᒥ, ᑲᓇᑕᐅᑉ ᒐᕙᒪᒃᑯᖏᑦ ᓴᕿᑎᑦᑎᖃᐅᔪᑦ ᑲᓇᑕᐅᑉ ᖁᒃᑎᒃᑐᒥ ᐅᑭᐅᖅᑕᖅᑑᓂᕐᒥ ᖃᐅᔨᓴᕐᕕᓕᕆᓂᕐᒧᑦ ᒪᓕᒐᕐᓂᒃ, ᐋᖀᒍᑕᐅᓂᐊᖅᑐᓂᒃ ᐊᐅᓚᑦᑎᔾᔪᑎᒃᓴᐅᓂᐊᖅᑐᓂᒃ ᑕᐃᔅᓱᒥᖓ ᓄᑖᐅᓂᖅᐹᒥᒃ, ᓄᓇᕐᔪᐊᕐᒥ ᐱᐅᓂᖅᐹᖑᖃᑕᐅᔪᓂᒃ ᖃᐅᔨᓴᕐᕕᖕᒥᒃ ᓴᓇᕐᕈᑎᒃᓴᓕᕆᓂᕐᒧᑦ ᖃᐅᔨᓴᕐᕕᒃᓴᐅᓂᐊᖅᑐᒥᒃ.

ᑲᓇᑕᐅᑉ ᐅᑭᐅᖅᑕᖅᑑᓂᖓᓂ ᖁᑦᑎᒃᑐᒥ ᖃᐅᔨᓴᕐᕕᒃᓴᖅ ᑲᑎᑕᐅᓯᒪᓂᐊᖅᑐᖅ  ᑲᓇᑕᒥᐅᑦ ᐅᑭᐅᖅᑕᖅᑐᖅᐸᓯᐊᓄᑦ ᑲᒥᓯᓇᒃᑯᖏᓐᓄᑦ Canadian Polar Commission ᓴᕿᑎᑦᑎᓂᐊᕐᒪᑕ ᐊᑕᐅᓯᕐᒥᒃ ᐊᖏᓂᖅᓴᒥᒃ, ᓴᖏᓂᖅᓴᐅᓂᐊᖅᑐᒥᒃ ᐱᓕᕆᕕᐅᒐᔪᒃᓯᓂᐊᖅᑐᒥᒃ ᖃᐅᔨᓴᖃᑦᑕᕐᓂᕐᒧᑦ ᑲᓇᑕᐅᑉ ᐅᑭᐅᖅᑕᖅᑑᓂᖓᓂ - ᓴᖏᓂᖅᑖᕈᑕᐅᒃᑲᓐᓂᕐᓂᐊᕐᒪᑦ ᑲᓇᑕᐅᑉ ᖃᓄᐃᓕᖓᓂᖏᓐᓄᑦ ᓄᓇᕐᔪᐊᕐᒥ ᓯᕗᓕᐅᖅᑎᐅᓂᖏᓐᓂᒃ ᐱᐅᓂᖅᐹᓂᒃ ᐊᑐᖅᑕᐅᖃᑦᑕᖏᑦᑐᓂᒃ ᓱᓕ ᖃᐅᔨᓴᕈᓐᓇᖅᓯᓂᕐᒧᑦ ᐅᑭᐅᖅᑕᖅᑐᒥ. ᖃᐅᔨᓴᕐᕕᒃᖅ ᑐᖓᕕᖃᕐᓂᐊᖅᑐᖅ ᑕᐃᒃᑯᓂ ᑲᓇᑕᐅᑉ ᐅᑭᐅᖅᑕᖅᑐᖅᐸᓯᐊᓄᑦ ᑲᒥᓯᓇᐃᑦ ᒫᓐᓇᐅᔪᖅ ᑎᓕᔭᐅᓯᒪᓂᖏᓐᓂᒃ ᐊᒻᒪᓗ ᐱᓇᓱᐊᖅᓯᒪᓂᖏᓐᓂᒃ ᐊᑕᐅᓯᕐᒦᑎᑦᑎᓂᖅᓴᐅᔪᒪᓂᖅ ᐊᖏᔫᑎᓂᒃ ᓴᓈᖃᖅᑎᐅᔪᓂᒃ, ᐃᓕᓐᓂᐊᖅᓯᒪᔪᓂᒃ, ᓄᓇᖃᐃᓐᓇᖅᑐᑐᖃᐅᔪᓂᒃ, ᐅᑭᐅᖅᑕᖅᑐᒥ ᒐᕙᒪᐅᔪᓂᒃ ᐊᒻᒪᓗ ᓄᓇᕐᔪᐊᕐᒥᐅᑕᓂᒃ ᐃᓚᐅᖃᑦᑕᕆᐊᖃᖅᑐᓂᒃ, ᓴᖏᓂᖃᕈᑕᐅᔪᓐᓇᕐᓂᐊᕐᒪᑕ ᖃᐅᔨᒪᔨᐅᓂᖏᑦ, ᐱᓕᕆᐊᖃᓕᓂᐅᓂᖏᑦ ᐊᒻᒪᓗ ᐊᑐᒐᒃᓴᖃᕈᓐᓇᕐᓂᖏᑦ.

ᖃᐅᔨᓴᕐᕕᒃ ᑕᐃᓐᓇ ᐊᔭᐅᕈᑕᐅᑐᐃᓐᓇᕐᓂᐊᖏᒻᒪᑦ ᑲᓇᑕᒥᐅᑕᓄᑦ ᓄᓇᖁᑎᒋᔭᐅᓂᖏᓐᓂᒃ ᐊᒻᒪᓗ ᐸᐸᑦᑎᔨᐅᓂᖏᓐᓂᒃ ᑲᓇᑕᐅᑉ ᐅᑭᐅᖅᑕᖅᑐᒥ ᓄᓇᖁᑎᖏᓐᓂᒃ, ᐃᒪᖁᑎᖏᓐᓂᒃ, ᓄᓇᒥᐅᑕᖏᓐᓂᒡᓗ, ᑭᓯᐊᓂᓕᑕᐅᖅ ᐃᑲᔪᖅᓱᐃᓂᐊᕐᒥᔪᑦ ᓄᓇᓕᖕᒥᐅᓄᑦ ᑮᓇᐅᔭᓕᐅᕈᓐᓇᕐᓂᖏᓐᓂᑦ, ᓴᕿᑎᑦᑎᓂᐊᕐᒪᑕ ᐱᓕᕆᕕᒃᓴᓂᒃ ᐊᒻᒪᓗ ᐱᔨᑦᑎᕋᐃᔪᓐᓇᖅᑐᓄᑦ ᑳᓐᑐᓛᒃᑖᖅᑎᑦᑎᖃᑕᕐᓂᖅ ᑕᐅᕙᓂ ᐊᕕᒃᑐᖅᓯᒪᓂᕐᒥᓂ. ᖃᐅᔨᓴᖃᑦᑕᕐᓂᖏᓐᓂᒃ, ᐊᔪᕈᓐᓃᖅᓴᐃᓂᖏᓄᓪᓗ ᐊᓯᒥᓄᓪᓗ ᐃᑲᔪᖅᑕᐅᖃᑦᑕᕈᒪᓗᑎᒃ, ᖃᐅᔨᓴᕐᕕᖕᒦᓐᓂᐊᖅᑐᑦ ᐱᕕᒃᓴᖃᖅᑎᑦᑎᓂᐊᖅᑐᑦ ᐅᑭᐅᖅᑕᖅᑐᒥᐅᑕᓂᒃ ᐊᔪᖏᓐᓂᖃᕈᓐᓇᕐᓂᖅ ᐊᒻᒪᓗ ᐱᓕᕆᖃᑦᑕᕈᓐᓇᖅᓯᓂᖅ ᐱᓕᕆᖃᑕᐅᔪᓐᓇᕐᓯᓂᐊᕐᒪᑕ.

ᑕᐃᒃᑯᐊ ᒪᓕᒐᖑᖅᑎᑕᐅᒐᓱᐊᕐᓂᖏᑦ ᐱᒻᒪᕆᐊᓗᖕᒥᒃ ᓯᕗᒻᒧᐊᒃᐸᓪᓕᐊᔾᔪᑕᐅᓕᕆᕗᑦ ᒪᑐᐃᖅᑕᐅᔪᓐᓇᕐᓂᖓᓄᑦ ᖃᐅᔨᓴᕐᕕᒃᓴᖅ ᐊᕐᕋᒍᒥ 2017-ᒥ.

ᓇᐃᓈᖅᑕᐅᓯᒪᔪᑦ ᓱᓕᔪᑦ

ᐅᖃᐅᓯᐅᓯᒪᔪᑦ

"ᒐᕙᒪᒋᔭᕗᑦ ᐱᓂᐊᕐᓂᖃᕐᒪᑕ ᑐᑭᓯᐅᒪᓂᖅᓴᐅᔪᒪᓂᖅ ᑲᓇᑕᐅᑉ ᐅᐊᖕᓇᖅᐸᓯᐊᓂᒃ ᐃᓱᒪᒋᔭᐅᓪᓗᑎᒃ ᖃᓄᐃᖏᓐᓂᖅᓴᐅᓕᕈᓐᓇᕐᓂᖏᑦ ᐅᑭᐅᖅᑕᖅᑐᒥᑕᐃᑦ. ᑕᒪᓐᓇ ᐊᓂᒍᖅᓯᒪᓕᖅᐸᑦ, ᑲᓇᑕᒥᐅᑕᓂ ᖁᑦᑎᒃᑐᒥ ᐅᑭᐅᖅᑕᖅᑐᒥ ᖃᐅᔨᓴᕐᕕᒃᓴᖅ ᐱᕕᒃᓴᖃᕈᑕᐅᓂᐊᖅᑐᖅ ᐅᑭᐅᖅᑕᖅᑐᒥᐅᑕᓄᑦ ᓴᖏᓂᖅᓴᒥᒃ ᓂᐱᖃᕈᓐᓇᖅᓯᓂᖅ ᐅᑭᐅᖅᑕᖅᑐᖅᒥ ᖃᐅᔨᓴᕈᑕᐅᔪᓂ ᓄᓇᖏᓐᓂ ᐊᒻᒪᓗ ᓄᓇᕐᔪᐊᕐᒥ."

ᐳᕐᓈᑦ ᕙᓪᑰᕐ,
ᒥᓂᔅᑕᖓᑦ ᓄᓇᖃᖅᖄᖅᑐᓕᕆᓂᕐᒧᑦ ᐊᒻᒪᓗ ᐅᑭᐅᖅᑕᖅᑐᒥ ᐱᕙᓪᓕᐊᔪᓕᕆᓂᕐᒧᑦ

"ᑕᐃᓐᓇ ᑲᓇᑕᐅᑉ ᖁᑦᑎᒃᑐᒥ ᐅᑭᐅᖅᑕᖅᑑᓂᕐᒥ ᖃᐅᔨᓴᕐᕕᒃᓴᖅ ᐊᑑᑎᓕᒻᒪᕆᐊᓘᓂᐊᖅᑐᖅ ᓴᖏᓂᖅᑖᕈᑕᐅᒃᑲᓐᓂᕈᓐᓇᕐᓂᕐᒧᑦ ᖃᐅᔨᓴᐃᔨᐅᔪᓐᓇᕐᓂᑦᑎᓐᓄᑦ ᐊᒻᒪᓗ ᐱᔪᓐᓇᐅᑕᐅᓂᖅᓴᐅᓂᐊᖅᑐᖅ ᓴᐳᓐᓂᐊᕈᓐᓇᕐᓂᕐᒧᑦ ᐅᑭᐅᖅᑕᖅᑐᒥ ᐊᕙᑎᑦᑎᓐᓂᒃ ᐊᒻᒪᓗ
ᐃᑲᔪᕐᓂᖃᕐᓗᓂ ᑮᓇᐅᔭᓕᐅᕈᑎᒃᓴᓄᑦ ᐱᕚᓪᓕᐊᔪᓐᓇᕐᓂᖏᓐᓄᑦ ᐅᑭᐅᖅᑕᖅᑐᒥ ᓄᓇᓖᑦ. ᑖᒃᑯᐊ ᒪᓕᒐᐃᑦ ᓴᕿᐅᒪᑎᑦᑎᕗᑦ ᒐᕙᒪᒋᔭᕗᑦ ᐱᓂᐊᕐᓂᖃᕐᓂᖏᓐᓂᒃ ᐅᔾᔨᖅᑐᕐᓂᕐᒧᑦ ᓄᓇᓖᑦ ᑲᓇᑕᐅᑉ ᐅᐊᖕᓇᖓᓃᑦᑐᑦ ᓴᖏᔫᓂᐊᕐᓂᖏᓐᓂᒃ, ᐊᔪᖅᓴᖏᑦᑑᓪᓗᑎᒃ, ᐊᒻᒪᓗ ᐅᓗᕆᐊᓇᖅᑐᖃᖏᓪᓗᑎᒃ."

ᓕᐅᓇ ᐊᒡᓘᒃᑲᖅ
ᒥᓂᔅᑕᖓᑦ ᐊᕙᑎᓕᕆᓂᕐᒧᑦ ᐊᒻᒪᓗ ᒥᓂᔅᑕᖓᑦ ᑲᓇᑕᐅᑉ ᐅᑭᐅᖅᑕᖅᑑᓂᖓᓂ ᑮᓇᐅᔭᓕᐅᕐᕕᒃᓴᓂᒃ ᐱᕙᓪᓕᑎᑦᑎᓂᕐᒧᑦ ᐱᓕᕆᕕᖕᒥᒃ ᐊᒻᒪᓗ ᒥᓂᔅᑕᐅᔪᖅ ᐅᑭᐅᖅᑕᖅᑐᒥᐅᑕᓕᕆᓂᕐᒧᑦ ᑲᑎᒪᔨᕐᔪᐊᓄᑦ

"ᑕᐃᓐᓇ ᑲᓇᑕᐅᑉ ᖁᑦᑎᒃᑐᒥ ᐅᑭᐅᖅᑕᖅᑑᓂᕐᒥ ᖃᐅᔨᓴᕐᕕᖓᑦ ᐱᒻᒪᕆᓘᓪᓗᓂ ᐃᓚᒋᔭᐅᕗᖅ ᑲᓇᑕᐅᑉ ᐅᑭᐅᖅᑕᖅᑐᒥ ᖃᓄᐃᓕᐅᕈᑎᒃᓴᖏᓐᓄᑦ, ᐃᓕᑕᖅᓯᓯᒪᓂᖏᓐᓄᑦ ᐱᐅᔪᓂᒃ ᐃᓱᒪᓕᐅᕈᑕᐅᔪᓐᓇᕐᓂᐊᖅᑐᑦ ᓱᓇᑐᐃᓐᓇᐃᑦ ᐱᐅᓂᖅᓂᐹᓂᒃ ᓄᓇᕐᔪᐊᓕᒫᒥ ᖃᐅᔨᓴᖅᑎᖃᑦᑎᐊᕆᐊᖃᕐᒪᑕ ᐊᒻᒪᓗ ᓴᓇᕐᕈᑎᒃᓴᖃᐅᑦᑎᐊᕐᓗᑎᒃ ᑲᓇᑕᐅᑉ ᐅᑭᐅᖅᑕᖅᑐᓂᖓᓃᓐᓂᐊᖅᑐᓂᒃ."

ᓗᑦᑖᖅ ᒪᕐᑎᓐ ᕋᐃᓚᐅᑦ
ᐊᖓᔪᖄᖅ ᖃᐅᔨᓴᖅᑎᓂᒃ ᑕᐃᓐᓇ ᑲᓇᑕᐅᑉ ᖁᑦᑎᒃᑐᒥ ᐅᑭᐅᖅᑕᖅᑑᓂᕐᒥ ᖃᐅᔨᓴᕐᕕᖕᒥ

"ᑲᓇᑕᒥᐅᑕᓄ ᐅᑭᐅᖅᑕᒥᐅᑕᓕᕆᓂᕐᒧᑦ ᑲᒥᓯᓇᐅᔪᑦ ᑲᔪᓯᓯᒪᑦᑎᐊᖅᑐᒻᒪᕆᐊᓗᖕᒪᑦ ᖃᐅᔨᒪᔭᐅᑎᑦᑎᓂᕐᒥᒃ ᑲᓇᑕᒥᒃ ᐊᒻᒪᓗ ᓄᓇᕐᔪᐊᕐᒥ ᐱᕕᒃᓴᖃᕐᓂᖏᓐᓂᒃ ᓴᕿᑎᑦᑎᕙᓪᓕᐊᔪᓐᓇᖅᓯᓂᖅ ᓄᑖᓂᒃ ᖃᐅᔨᒪᔭᐅᔭᕆᐊᖃᖅᑐᓂᒃ ᐅᑭᐅᖅᑕᖅᑐᒥᐅᑕᓄᑦ ᐊᔪᒃᓴᕈᓐᓃᕈᑎᒋᔪᓐᓇᕐᓂᐊᖅᑕᖏᓐᓂᒃ ᐊᓯᔾᔨᖅᐸᓪᓕᑐᐃᓐᓇᓕᖅᑐᒥ ᓄᓇᕐᔪᐊᑦᑎᓐᓂᒃ, ᓯᕗᒻᒧᓪᓗ ᓂᓪᕆᐅᑦᑎᐊᖅᑐᒍᑦ ᐃᓚᓕᐅᑎᓯᒪᔪᒪᓂᖅ ᖃᐅᔨᓴᕐᕕᖕᒧᑦ ᓴᖏᓂᖅᓴᒻᒪᕆᐅᓕᕈᓐᓇᕐᓂᐊᕐᒪᑕ ᓄᑕᖑᓕᕐᓗᑎᒃ ᑲᑐᔾᔨᖃᑎᒌᖑᔪᑦ."

ᓇᓕ ᑯᐊᓐᓄᐊᔩ, ᐃᒃᓯᕙᐅᑕᐅᑉ ᑐᖏᓕᖓ ᑲᓇᑕᒥᐅᑕᓂᒃ ᐅᑭᐅᖅᑕᖅᑐᒥ ᑲᒥᓯᓇᒃᑯᓐᓄᑦ ᐊᒻᒪᓗ ᐃᒃᓯᕙᐅᑕᕆᔭᐅᓪᓗ ᐊᐅᓚᑦᑎᔨᐅᓪᓗᓂᓗ ᐃᖃᓇᐃᔭᖅᑎᓕᒫᓂᒃ ᐃᓄᕕᐊᓗᒃ ᐊᕕᒃᑐᖅᓯᒪᓂᖏᓐᓂ ᑯᐊᐳᕇᓴᒃᑯᖏᓐᓄᑦ

ᐊᓯᒃᑲᓐᓂᖏᑦ ᑖᒃᑯᓄᖓ ᐃᓚᒋᔭᐅᖕᒥᔪᑦ

ᐅᖃᕐᕕᒃᓴᐃᑦ

ᐃᐅᕆᑲ ᒦᒃᔅ Erica Meekes
ᑐᓴᒐᒃᓴᓕᕆᓂᕐᒧᑦ ᑎᑎᕋᖅᑎᖓᑦ
ᐱᓕᕆᕕᖓᓂ ᒥᓂᔅᑕᐅᑦ ᓄᓇᖃᑳᖅᑐᓕᕆᓂᕐᒧᑦ ᐊᒻᒪᓗ ᐅᑭᐅᖅᑕᖅᑐᒥ ᐱᕙᓪᓕᐊᔪᓕᕆᓂᕐᒧᑦ
819-997-0002

ᑐᓴᒐᒃᓴᓕᕆᔨᓂᒃ ᐱᓕᕆᖃᑎᖃᖅᑎᖏᑦ
ᓄᓇᖃᑳᖅᑐᓕᕆᓂᕐᒧᑦ ᐊᒻᒪᓗ ᐅᑭᐅᖅᑕᖅᑐᒥ ᐱᕙᓪᓕᐊᔪᓕᕆᓂᕐᒧᑦ ᑲᓇᑕᒥ
819-953-1160

ᐆᒃᑐᕈᓐᓇᖅᑐᑎᑦ ᐃᓚᔭᐅᔪᒪᓂᖅ ᐱᑎᑕᐅᖃᑦᑕᕐᓂᐊᖅᑐᓄᑦ ᓄᑖᓂᒃ ᑐᓴᒐᒃᓴᓕᐊᓂᒃ ᓴᕿᑎᑕᐅᔪᓂᒃ ᐅᖃᐅᓯᐅᓯᒪᔪᓂᒡᓗᓐᓃᑦ ᐊᑐᕐᓗᒋᑦ ᖃᕆᑕᐅᔭᒃᑯᑦ RSS-ᑯᑦ ᓴᕿᑉᐸᓪᓕᐊᕕᐅᔪᑦ ᐅᕝᕙᓗᓐᓃᑦ ᖃᕆᑕᐅᔭᒃᑯᑦ ᑎᑎᖃᖅᑖᕐᕕᒃᑯᑦ. ᑐᑭᓯᒋᐊᑦᑎᐊᒃᑲᓐᓂᕈᒪᒍᕕᑦ ᐅᕝᕙᓗᓐᓃᑦ ᐃᓚᓕᐅᑎᔪᒪᒍᕕᑦ, ᑕᑯᓂᐊᕐᓗᒍ ᐅᓇ ᐅᕙᓂ ᑐᕌᕉᑎᖓ www.aandc.gc.ca/subscriptions.

 
Date modified: