ᓄᑖᖅ ᑕᒪᐃᓐᓂᑦ ᐊᑐᖅᑕᐅᔪᖅ ᐅᑭᐅᖅᑕᖅᑐᒥ ᐊᖓᔪᖅᑳᖑᓂᕐᒥᒃ

ᐅᖃᐅᓯᖏᑦ ᐊᒻᒪᓗ ᑕᐅᑦᑐᖏᑦ ᐅᕙᓂ ᐅᓂᒃᑳᒥ ᒥᐊᓕ ᓴᐃᒪᐅ, ᒥᓂᔅᑕᐅᑉ ᑭᒡᒐᖅᑐᖅᑎᖓ ᐅᑭᐅᖅᑕᖅᑐᒥ ᐊᖓᔪᖅᑳᖏᓐᓄᑦ. ᐅᑯᐊ ᐅᖃᐅᓯᕆᓐᖏᑕᖏᑦ ᐅᒡᕙᓘᓐᓃᑦ ᑕᐅᑦᑐᕆᓇᓂᒋᑦ ᑲᓇᑕᐅᑉ ᒐᕙᒪᒃᑯᖏᑦᑕ. ᐱᔪᒪᒍᕕᑦ ᑕᒪᒃᑭᖅᓯᒪᔪᓂᒃ ᑎᑎᕋᖅᓯᒪᔪᑦ ᑕᕐᕋᖓᓂᒃ ᓴᐃᒪᐅᑉ ᐱᔭᕇᖅᓯᔾᔪᑖ ᐅᓂᒃᑳᖅ, ᓄᑖᖅ ᑕᒪᐃᓐᓂᑦ ᐊᑐᖅᑕᐅᔪᖅ ᐅᑭᐅᖅᑕᖅᑐᖅ ᓴᓇᓯᒪᓂᖓ ᐃᓄᒃᑎᑐᑦ, ᐃᓄᐃᓐᓇᖅᑐᑦ, ᑎᓂᐄ, ᐅᒡᕙᓘᓐᓃᑦ ᑯᓖ ᐅᖃᖃᑎᒋᑎᒍᑦ.

ᑕᑯᓯᒪᔭᑦ ᐊᒻᒪᓗ ᐅᖃᓯᒃᓴᑦ

ᐅᓇᐊᖐᔫᖕᒪᑦᐱᓕᕆᖁᔭᐅᔪᖅ. ᐊᓂᒍᖅᐸᑕᐅᖓᑖᓂ 40 ᐅᑭᐅᑦᑎᑭᐅᑎᕙᓪᓕᐊᖑᔭᖅᑐᖅ, ᐋᔩᖃᑎᒌᒍᑕᐅᓪᓗᓂᓗᐊᒻᒪᓗᑕᑯᓯᒪᔪᑦᐱᕙᓪᓕᐊᓂᖓᓂᒃᐋᕿᒃᓯᕙᓪᓕᐊᔪᑦᓂᕆᐊᖅᑕᐅᓯᒪᓂᖅᑎᒍᑦ, ᐃᓅᓯᓕᕆᓂᒃᑯᑦᐊᒻᒪᓗᑮᓇᐅᔭᑎᒍᑦᐱᕙᓪᓕᐊᑎᑦᑎᔾᔪᑕᐅᓪᓗᓂᐅᑭᐅᖅᑕᖅᑐᒥ, ᐅᓇᐃᓂᒐᐱᔭᕐᓂᓐᖏᑦᑐᖅᐊᒃᓱᕈᓐᓇᖅᑑᑰᕈᓐᓇᖅᑐᓂᒃᑕᑯᓐᓇᕐᓗᒋᑦᐊᒻᒪᓗᓇᒦᓕᕐᓂᖓᐅᑭᐅᖅᑕᖅᑐᖅᐅᓪᓗᒥ, ᐊᒻᒪᓗᖃᓅᓂᐊᓕᖅᐸᑦᑕᔅᓱᒧᖓᐊᕕᒃᑐᖅᓯᒪᔪᖓᓄᑦᑲᓇᑕᐅᑉ.

ᐊᖓᔪᖅᑳᑦ ᓇᑭᑐᐃᓐᓇᖅ ᐅᑭᐅᖅᑕᖅᑐᒥᑦ ᓴᕿᑎᑦᑎᓚᐅᖅᑐᑦ ᐅᕙᓐᓄᑦ ᐊᔾᔨᒌᓐᖏᑦᑑᑎᓂᒃ ᑲᑎᖓᔪᓂᒃ ᐱᔾᔪᑕᐅᔪᓂᒃ ᐅᑯᐊ ᒫᓐᓇ ᐱᓕᕆᔭᕆᐊᖃᖅᑐᑦ ᐅᓪᓗᒥ. ᓴᕿᑕᐅᔪᑦ ᐊᒥᓱᓂᑦ ᐅᖃᖃᑎᒌᒍᑎᒋᔭᑦᑎᓐᓂᑦ ᐊᑦᑕᕐᓇᖅᑎᑦᑎᔪᑦ ᐅᓗᕆᐊᖅᓵᕆᔪᑦ: ᑕᒪᔾᔭᐅᓪᓚᕆᓕᕐᒪᑕ ᐃᓱᒫᓘᑎᓪᓚᑖᑦ ᐊᒻᒪᓗ ᖃᐅᔨᒪᓇᕈᓐᓃᖅᓯᒪᔪᑦ ᑕᐃᒪᓐᓇᐃᑎᑕᐅᔪᖅ ᓯᓚᐅᑉ ᐅᖂᓂᖓᑕ ᐊᓯᑦᔨᕐᓂᖓᓄᑦ. ᑲᓇᑕ ᐅᓇ ᐅᑭᐅᖅᑕᖅᑐᒥ ᓄᓇᕐᔪᐊᖑᔪᖅ, ᐊᒻᒪᓗ ᓯᑐᐊᔪᐋᓘᓕᖅᑐᑦ ᐋᕿᑦᑎᐊᖅᓯᒪᔪᓐᓃᖅᑐᑦ ᐊᒃᑐᖅᑕᐅᔪᑦ ᐱᔾᔪᑎᒋᓪᓗᒍ ᐅᑭᐅᖅᑕᖅᑐᖅ ᐅᖂᓯᓂᖓᓄᑦ ᕿᓚᒻᒥᐅᓂᖓ ᒪᕐᕉᐃᓪᓗᐊᖅᑐᖅ ᓄᓇᕐᔪᐊᑉ ᓱᑲᓂᓕᖓᑕ. ᑐᓴᖅᑎᑕᐅᓚᐅᖅᑐᖓ ᐊᑕᐅᓯᐊᓐᖏᑦᑐᑦ ᐅᖃᖅᑐᑦ ᐊᒃᑐᖅᑕᖏᓐᓂᒃ ᐅᖂᓯᓂᖓᓄᑦ ᐅᑭᐅᖅᑕᖅᑐᖅ ᓂᕿᒋᕙᒃᑕᖏᓐᓂ, ᓇᑉᐸᖅᓯᒪᔪᓂᒃ, ᐃᒡᓗᓕᕆᓂᖅ, ᐊᒻᒪᓗ ᐅᓗᕆᐊᓇᖅᓯᔪᖅ ᓄᓇᖓ ᐊᒻᒪᓗ ᑕᕆᐅᖅ. ᐅᑯᐊ ᑐᓴᕐᑎᑦᑎᔾᔪᑕᐅᔪᑦ ᑐᑭᓯᓇᑦᑎᐊᖅᑐᑦ: ᓱᖏᐅᓴᐅᑎᒃᓴᐃᑦ ᐋᕿᒃᓯᒪᔾᔪᑎᒃᓴᐃᑦ ᐊᒻᒪᓗ ᐊᑐᓕᖅᑎᑕᐅᕙᓪᓕᐊᓂᐊᖅᑐᑦ ᐸᕐᓇᐅᑎᖏᑦ ᐅᑭᐅᖅᑕᖅᑐᒧᑦ ᑕᒪᓐᓇ ᑲᓇᑕᐅᑉ ᓯᕗᓪᓕᖅᐸᐅᑎᔭᕆᐊᖃᓕᖅᑕᖓ ᐃᓗᐊᓂ ᑲᓇᑕᐅᑉ ᐅᖂᓯᕙᓪᓕᐊᓂᖓᑕ ᐊᓯᑦᔨᕐᓂᖓᓄᑦ ᐱᓕᕆᓂᐊᖅᓂᕋᖅᓯᒪᔭᒥᖕᓂᒃ.

ᐊᓯᐊᑦᑕᐅᖅ ᐅᓗᕆᐊᓇᖅᑐᑰᖅᑎᑦᑎᔪᖅ ᐅᖃᖃᑎᒋᓪᓗᒋᑦ ᐊᖓᔪᖅᑳᑦ ᐱᒻᒪᕆᐅᓂᖓᖓ ᓴᖕᖑᓯᒪᓕᕐᒪᑕ ᐊᓯᐊᓄᑦ ᐃᓱᒪᔾᔪᓯᖅ ᐅᑭᐅᖅᑕᖅᑐᒥ ᐅᓇ ᐃᓄᖃᓐᖏᑦᑐᖅᑐᖅ, ᐊᕕᒃᑕᐅᓯᒪᔪᖅ ᐊᒻᒪᓗ ᐃᓄᑭᑦᑐᑯᓗ ᐅᖓᓯᒌᒃᑑᑎᒻᒪᕆᐋᓗᐃᑦ ᐊᕕᒃᑐᖅᓯᒪᔪᖓ ᑲᓇᑕᐅᑉ, ᐃᓱᒪᒋᔭᐅᓪᓗᓂ ᐱᓪᓗᒍ ᐅᑭᐅᖅᑕᖅᑐᖅ ᐅᑯᐊᑦᑕᐅᖅ ᐅᑭᐅᖅᑕᖅᑐᒥᐅᑦ ᓄᓇᓖᑦ, ᑲᑎᖓᔪᑦ ᓄᑖᒥ ᐋᕿᒃᓯᒪᔪᖅ ᑭᑭᓇᑐᐃᓐᓇᖅ ᐱᐅᓯᑐᖃᖃᑎᒌᓐᖏᑦᑐᑦ ᐃᓚᒌᑦᑎᐊᖅᑐᑦ, ᓄᓇᕐᔪᐊᓕᒫᖅ ᖃᐅᔨᓴᖅᑕᐅᓂᒻᒪᕆᐊᒍᑦ ᐊᒻᒪᓗ ᑲᔪᓰᑦᑎᐊᕈᓐᓇᖅᑐᓂᒃ ᐱᕙᓪᓕᐊᑎᑦᑎᓂᖅ. ᐅᑭᐅᖅᑕᖅᑐᖅ ᒫᓐᓇ ᐊᑐᖅᓯᓕᖅᑐᖅ ᐅᐸᒃᑕᐅᔪᒪᓕᖅᓯᒪᓪᓗᓂ ᓄᓇᕐᔪᐊᒥᑦ ᓄᓇᓕᖕᓂᑦ. ᑕᐃᑲᓂ 2016 ᐅᓇ ᐆᒃᑑᑎᒋᓗᒍ, ᐅᑯᐊ ᔫᓚᑉ ᐃᓚᒌᒃᓴᖏᑦ ᑐᓴᒐᒃᓴᓂᒃ ᑎᓴᕐᑎᑦᑎᓚᐅᖅᑐᑦ "ᓄᑖᖅᐃᓚᓕᐅᑎᔭᐅᓯᒪᓂᕐᒧᑦᐊᑐᐊᖓᖅᐅᑭᐅᖅᑕᖅᑐᒧᑦ".  ᐊᓯᖏᑦᑕᐅᖅ ᓄᓇᕐᔪᐊᑉ ᑲᔾᔨᐊᓂ ᐅᑭᐅᖅᑕᑐᒥ ᖃᑭᒍᑎᒃᓴᓕᐅᖅᑐᑦ ᖃᕆᓴᐅᔭᒃᑯᑦ ᖃᖓᑕᖅᑎᑦᑎᕕᒃᓴᓂᒃ, ᑕᕆᐅᕐᒥ ᓇᑉᐸᕆᐊᓕᖕᓄᑦ ᐊᒻᒪᓗ ᐃᓕᓐᓂᐊᕐᑎᑦᑎᓂᕐᒧᑦ. ᑲᓇᑕ ᐊᖑᒪᑎᔭᕆᐊᖃᖅᑐᖅ. ᑕᐃᒪᓗ ᑕᒪᐅᖓ ᓴᖑᓂᐊᕐᓗᓂ, ᐊᑐᕆᐊᖃᖅᑐᑦ ᓇᑉᐸᕆᐊᖃᖅᑐᑦ ᐃᖅᐸᖅᓯᒪᔪᓂᑦ ᐱᓯᒪᔪᑦ ᐃᓂᖃᕐᓂᐊᕐᒪᑕ ᑲᓇᑕᐅᑉ ᐅᑭᐅᖅᑕᖅᑐᐊᓂ ᐃᓚᒋᔭᐅᓗᓂ ᓄᓇᕐᔪᐊᒥ ᓄᓇᖃᑎᒌᓄᑦ. ᐅᓇ ᐊᐅᓚᑕᐅᓂᖓ ᑲᓇᑕᐅᑉ ᐅᑭᐅᖅᑕᖅᑐᒥ ᖃᐅᔨᓴᕐᕕᖓ ᑕᒪᑐᒪᓂ ᐊᕐᕌᒍᒥ ᐊᖕᖏᔪᒥᒃ ᐱᕚᓪᓕᖅᓯᒪᓕᖅᑐᖅ ᐃᓂᓕᐅᖅᓯᒪᓕᕋᒥᒃ ᑲᓇᑕ ᓯᕗᓪᓕᖅᐸᐅᑎᓪᖢᒍ ᐅᑭᐅᖅᑕᖅᑐᒥ ᖃᐅᔨᓴᐃᓂᖅᑎᒃ. ᒫᓐᓇ ᒪᓕᑦᑎᐊᕆᐊᖃᓕᖅᑕᕗᑦ ᐊᓯᖏᑦᑕᐅᖅ ᐱᔭᕆᐊᖃᖅᑐᑦ.

ᐊᖕᖏᔪᒥᒃ ᐅᖃᖃᑎᒌᒍᑎᖃᖅᓯᒪᔪᑦ ᐊᖓᔪᖅᑳᖑᔪᑦ ᐊᒻᒪᓗ ᐊᓯᖏᑦ ᑎᒍᒥᐊᖅᑎᐅᔪᑦ  ᐅᑎᖅᖢᑎᒃ ᕿᑎᐊᓄ ᐃᓂᒋᔭᑎᒃ: ᖃᓄᐃᖏᑦᑎᐊᕐᓂᖅ, ᐃᓕᓐᓂᐊᕐᑎᑦᑎᓂᖅ ᐃᓄᖕᓂᒃ ᐊᒻᒪᓗ ᓇᑉᐸᖅᓯᓂᖅ ᑕᐅᑦᑐᕆᔭᒥᖕᓂᒃ ᓱᕈᖅᓴᐃᓐᖏᑦᑐᓂᒃ ᐱᕙᓪᓕᐊᑎᑦᑎᓂᖅ…ᐊᒻᒪᓗ ᐱᒻᒪᕆᐅᔪᑦ ᐅᔾᔨᕆᐅᓕᕈᑎᒃ ᓄᓇᑖᕈᑎᓂ ᐊᖕᖏᖃᑎᒌᒍᑕᐅᔪᓐᓇᖅᑐᑦ, ᓴᖕᖏᓂᑎᒃ ᑐᓐᓂᖁᑕᐅᓂᖓ ᐊᒻᒪᓗ ᓇᖕᒥᓂ ᒐᕙᒪᒃᑯᑦ ᐊᖕᖏᖃᑎᒌᒍᑎᖏᑦ. ᑕᑯᒃᓴᐅᑦᑎᐊᖅᑐᖅ, ᐅᑎᕐᕕᒌᓐᓇᕋᑦᑎᒍᑦ ᒪᕐᕉᒃ ᐊᐱᖁᑏᒃ:

  1. ᖃᓄᐃᒻᒪᑦ, ᑕᒪᔾᔭᐅᒐᓗᐊᕐᒪᑕ ᐊᖕᖏᔪᑦ ᐱᕙᓪᓕᐊᑦᑎᐊᖏᓐᓇᖅᑐᑦ ᑕᐃᒪᖓᓂ ᐅᑭᐅᓂᑦ 40-ᓂᑦ - ᐃᓚᒋᔭᐅᓪᓗᑎᒃ ᐊᖕᖏᔪᑦ ᑲᔪᓯᑦᑎᐊᖅᑎᑕᐅᓯᒪᔪᑦ ᓲᕐᓗ ᓄᓇᑖᕈᑎᒥᖕᓄᑦ ᐊᖕᖏᖃᑎᒌᒍᑎᑦ, ᑲᓇᑕᐅᑉ ᒪᓕᒐᕐᔪᐊᖓᓄᑦ ᐃᓚᓕᐅᑎᔭᐅᓯᒪᓂᖅ ᐊᒻᒪᓗ ᒫᓐᓇᒧᑦ-ᐋᕿᒃᓯᒪᔪᑦ ᐃᖃᖅᑐᐃᕕᖕᓂᑦ ᐋᕿᒃᑕᐅᕙᓪᓕᐊᔪᑦ - ᑕᐃᒪᓕ ᐅᑭᐅᖅᑕᖅᑐᖅ ᑲᔪᓯᑎᓐᓂᐊᕋᑦᑎᒎᑦ ᐱᐅᖏᓐᓂᖅᐹᒥᒃ ᑲᓇᑕᒥ ᐃᓅᓯᓕᕆᔾᔪᑎᖃᕐᓗᑎᒃ ᖃᓄᐃᖏᑦᑎᐊᕋᓱᐊᕈᑎᒃᓴᑐᐃᓐᓇᕋᓗᐊᖏᓅᑦ?
  2. ᖃᓄᐃᒻᒪᑦ,ᐊᒃᓱᕈᖅᓯᒪᔭᑎᒃᓴᓇᕐᕈᑎᑖᕆᓇᓱᒃᓯᒪᔭᑎᒃᓵᓚᒋᔭᐅᖏᓐᓇᓕᕐᓂᐊᓐᖏᒪᑕ,ᐅᑯᐊᐊᒥᓱᑦᐃᓄᑐᐃᓐᓇᐃᑦᐊᒻᒪᓗᐃᓚᒌᑦᓵᓚᐅᑐᐃᓐᓇᖅᓯᒪᔫᔮᖅᐸᑦᐊᒻᒪᓗᐃᓘᓯᑦᑎᐊᕆᒃᐹᑦ?

ᐊᖕᖏᔪᒻᒪᕆᐋᓘᖕᒪᑎᒃᐅᑯᐊ ᒪᕐᕉᒃ ᐊᐱᖁᑏᒃ, ᐅᕙᖓ ᐅᖃᕈᓐᓇᖅᑐᖓ, ᐃᓗᐊᓃᑦᑐᖅ ᐊᑕᑦᑎᐊᕐᒪᑦ ᓄᑖᖅ ᐅᑭᐅᖅᑕᖅᑐᖅᐊᑐᐊᒐᒃᓴᖓᓄᑦ. ᐅᑯᐊ ᐊᐱᖁᑏᒃ ᐅᖃᐅᓯᕆᑲᓐᓂᕐᓂᐊᖅᑕᑲ ᐅᐊᑦᓯᐊᕈ ᐅᓂᒃᑳᓐᓂ.

ᐅᑭᐅᖅᑕᖅᑐᓕᐊᖃᑦᑕᕋᒪ ᓇᒧᑐᐃᓐᓇᖅ ᑕᑯᓪᓗᒍ ᖁᕕᐊᓇᓚᐅᖅᑐᖅ ᐅᑯᐊ ᒪᒃᑯᒃᑐᕗᑦ ᓴᖕᖏᕗᑦ ᐊᒻᒪᓗ ᓂᓪᓕᕈᓐᓇᑦᑎᐊᖅᑐᑦ ᑭᓱᓂᒃ ᐱᔭᕇᕆᐊᖃᖅᑕᒥᒃ ᐱᐅᓯᕚᓪᓕᖁᓪᓗᒋᑦ ᐃᓚᑎᒃ ᐊᒻᒪᓗ ᓄᓇᑎᒃ. ᐅᓇ ᐱᓗᐊᖅᑐᒥᒃ ᐱᒻᒪᕆᐅᔪᖅ ᓄᓇᖃᖅᑐᑦ ᐅᓄᕐᓂᖏᑦ ᐃᓅᓯᕆᔭᖏᑦ ᐅᑭᐅᖅᑕᖅᑐᒥ. ᐊᔾᔨᒋᓐᖏᒻᒪᒋᑦ ᑲᓇᑕᒥ, ᑕᐃᑲᓂᓗ ᐊᑐᐊᒐᐃᑦ ᐊᒻᒪᓗ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᖅ ᐊᒃᓱᕈᐊᕆᔭᖏᑦ ᓱᓕ ᓄᑕᐅᔪᓐᓃᖅᑐᑦ ᐃᓐᓇᑐᖃᐅᓕᖅᑐᑦ, ᐊᔾᔨᒋᓐᖏᑦᑎᐊᖅᑕᖓ ᐅᑭᐅᖅᑕᖅᑐᖅ ᑕᐃᒪᓐᓇᐅᓐᖏᒻᒪᓪᓕ. ᐅᓄᓛᑦ ᓄᓇᖃᖅᑐᑦ ᐅᑭᐅᖅᑕᖅᑐᓂ ᓄᓇᓕᖕᓂ ᐅᑭᐅᖅᑕᖅᑐᑦ 30 ᓄᖓᕐᖡᓪᓗ.

ᑕᕐᕆᔭᐅᓯᐅᖅᓯᒪᔪᒥ ᒪᒃᑯᒃᑐᑦ ᓄᓇᓖᑦ ᑲᑎᒪᔨᖏᓐᓂᑦ ᑲᑎᒪᖃᑕᐅᔪᑦ ᐃᖃᓗᖕᓂ, ᑐᓴᓚᐅᖅᑐᖓ ᒪᒃᑯᒃᑐᓂᑦ ᓇᑭᑐᐃᓐᓇᖅ ᓄᓇᕗᒻᒥ ᐊᒻᒪᓗ ᓄᓇᑦᓯᐊᕐᒥ, ᑕᐃᒪᓐᓇᓪᓚᕆᐅᔪᓂᒃ ᑐᑭᓕᖕᓂᒃ, ᓂᕿᒃᓴᖃᖃᑦᑕᓐᖏᑦᑐᑦ ᐊᖕᖏᕋᒥᖕᓂ, ᐊᒥᓱᒻᒪᕆᐋᓗᐃᑦ ᐃᒻᒥᖕᓃᖃᑦᑕᖅᑐᑦ ᐊᒃᑐᖅᑕᐅᓯᒪᔪᑦ ᐊᒥᓱᑦ ᐃᓚᒌᑦ ᐊᒻᒪᓗ ᓄᓇᓖᑦ, ᐊᒻᒪᓗ ᑐᐊᕕᕐᓇᖅᓯᔪᖅ ᐃᒡᓗᑖᕆᐊᖃᖅᑐᑦ. ᐅᖃᐅᓯᖃᓚᐅᕐᒥᔪᑦ ᑕᐅᑦᑐᕆᔭᒥᖕᓂᒃ ᓯᕗᓂᒃᓴᒥᖕᓄᑦ ᐊᒻᒪᓗ ᑲᒪᓚᐅᖅᑐᖓ ᐅᑯᐊ ᐅᖃᓪᓚᒍᓐᓇᑦᑎᐊᖅᑐᑦ ᐅᖃᐅᓯᑐᖃᕐᒥᒃᑎᑐᑦ, ᓴᖕᖏᔪᒥᒃ ᐊᕙᑎᒥᖕᓂᒃ ᓴᐳᒻᒥᔪᑦ, ᐊᒻᒪᓗ ᐃᓱᓕᑦᑎᔪᒪᔪᑦ ᐃᓕᓐᓂᐊᕈᑎᒥᖕᓂᒃ.

ᐅᑯᐊ ᒫᓐᓇ ᐱᔭᕇᖅᓯᒪᔪᑦ ᐋᕿᒃᓯᒪᔾᔪᑎᒃᓴᓄᑦ ᐸᕐᓇᐅᑎᖏᑦ ᖃᕐᔪᐃᑦ ᒪᒃᑯᒃᑐᑦ ᑲᑎᒪᔨᖏᑦ ᓄᓇᕕᒻᒥ ᐅᒡᕙ ᐅᖃᐅᓯᖏᒃ:

"ᓅᑉᐸᓪᓕᐊᓂᐊᕋᑦᑕ ᐃᓅᓯᑦᑎᒍᑦ ᐊᒻᒪᓗ ᓄᓇᖃᑎᒌᑦ, ᐃᓕᓐᓂᐊᖅᑎᑕᐅᓯᒪᔭᕆᐊᖃᖅᑐᒍᑦ.
ᐅᑯᐊ ᒪᒃᑯᒃᑐᑦ ᖃᓄᐃᖏᑦᑎᐊᕈᒪᔪᑦ ᑭᓇᐅᒐᒥᒃ ᐊᒻᒪᓗ ᑕᒫᓂᕐᒥᐅᑕᐅᒐᒥᒃ.
ᒪᒃᑯᒃᑐᑦ ᑐᑭᓯᔪᑦ ᐱᒻᒪᕆᐅᓂᖓᓂ ᐃᓕᓐᓂᐊᖅᓯᒪᑦᑎᐊᕐᓂᖅ ᑕᐃᒪᓗ ᑭᓯᐊᓂ ᐃᓅᖃᑕᐅᑦᑎᐊᕈᓐᓇᕐᒪᑕ
ᓄᓇᖃᑎᒌᓂ ᐊᒻᒪᓗ ᓄᓇᓕᖕᓂ ᐊᒻᒪᓗ ᐱᖃᑕᐅᔪᓐᓇᕐᓗᑎᒃ ᑕᒪᐃᓐᓂᒃᓴᐅᒃᑯᑐᐃᓐᓇᖅᓗᑎᒃ ᐃᖅᑲᓇᐃᔮᒃᓴᓂᒃᓄᓇᓕᖕᓂ,
ᐊᕕᒃᑐᖅᓯᒪᔪᒥᖕᓂ ᐅᒡᕙᓘᓐᓃᑦ ᓇᓂᑐᐃᓐᓇᖅ ᑕᐃᒪᒃ ᓇᓂᕈᐊᕆᓯᒪᓂᐊᖅᑕᒥᖕᓂᒃ."

ᑖᒃᑯᓂᖓ ᑐᓴᕐᑎᑦᑎᓯᒪᑦᑎᐊᓚᐅᖅᑐᑦ ᐊᒻᒪᓗ ᓂᐱᖏᑦ ᐅᓗᕆᐊᖅᓵᕆᓇᑎᒃ ᑐᓴᓚᐅᖅᑕᑲ ᓇᖕᒥᓂᖅ ᐅᖃᐅᓯᕐᒥᒃᑎᒍᑦ ᐱᔪᒪᔭᒥᖕᓂᒃ ᐊᒻᒪᓗ ᐊᓯᑦᔨᕆᐊᖃᖅᑐᓂᒃ. ᐃᓕᓴᕆᔭᖓᑦ ᐃᒻᒪᑲᓪᓚᖕᓂ ᑕᐃᒪᓐᓇᐃᓕᖓᔪᑐᖃᐅᔪᑦ ᒫᓐᓇᒧᑦ ᐃᓅᓯᕆᓕᖅᑕᑎᒃ ᖃᓪᓗᓈᖃᓕᖅᑎᑕᐅᓚᐅᕋᒥᒃ ᐊᒻᒪᓗ ᐃᓕᓐᓂᐊᕆᐊᖅᑎᑕᐅᕙᒪᐅᕋᒥᒃ ᐊᐅᓪᓚᖅᑎᑕᐅᓪᓗᑎᒃ. ᐅᖃᐅᓯᖅᑎᒃ ᐅᑎᑦᑎᐊᕆᐊᖃᖅᑐᖅ ᐊᑕᓂᖓᓄᑦ ᑭᓇᐅᓂᕐᒥᖕᓄᑦ ᐊᒻᒪᓗ ᐃᒻᒥᖕᓄᑦ ᐊᑑᑎᖃᕐᒪᑕ. ᐅᓪᓗᒥ, ᖃᓄᑐᐃᓐᓇᖅ, ᑕᑯᒃᓴᐅᔪᖅ ᐊᓯᐊᒍᑦᑕᐅᖅ ᑎᕆᖁᐊᒍᑦ ᓴᖑᓂᖃᖅᑐᑦ. ᒪᒃᑯᒃᑐᑦ ᓇᑭᑐᐃᓐᓇᖅ ᐅᑭᐅᖅᑕᖅᑐᒥ ᑐᑭᓯᐅᒪᔪᑦ ᑕᒪᓐᓇ ᐃᓕᓐᓂᐊᕐᓂᖅ ᐊᑯᑕᐅᔪᖅ ᐱᕕᖃᕐᑎᑕᐅᑦᑎᐊᕐᓂᐊᕐᓗᓂ. ᐱᔪᒪᔪᑦ ᐃᓕᓐᓂᐊᕈᑎᒃᓴᑦᑎᐊᕙᖕᓂᒃ ᒪᓕᑦᑎᐊᖅᑐᓂᒃ ᐊᓯᖏᓐᓂ ᑲᓇᑕᒥ ᐱᒋᔭᐅᔪᑦ - ᐃᓕᓐᓂᐊᖅᑐᓕᕆᓂᖅ ᐅᓇᑦᑕᐅᖅ ᑕᒪᐃᓐᓄᑦ ᐊᑕᔫᖕᒪᑦ ᐱᐅᓯᑐᖃᑦᑎᒍᑦ ᐊᒻᒪᓗ ᐅᖃᐅᓯᑐᖃᖅᑎᒍᑦ ᑭᓇᐅᓂᑦᑎᓂ ᑲᓇᑕᒥᐅᑕᐅᓪᓗᑕ. ᐅᓇ ᓄᑖᖅ ᐅᑭᐅᖅᑕᖅᑐᒥᐊᑐᐊᒐᒃᓴᖅ, ᐊᓯᐊᒎᖅᑐᖅ ᐊᒥᓱᓂᑦ ᑎᑎᖃᖁᑎᒋᔭᐅᓚᐅᖅᑐᓂᑦ ᐱᓪᓗᒍ ᓯᕗᓂᒃᓴᖓ ᐅᑭᐅᖅᑕᖅᑐᖅ, ᐅᖃᖃᑎᒋᓗᒋᑦ ᐅᑯᐊ ᒪᒃᑯᒃᑐᑦ ᓂᐱᖃᖅᑐᑦ ᑕᒪᑐᒪᓂ ᐊᕐᕌᒍᒋᓕᖅᑕᑦᑎᓄᑦ ᐃᓅᓯᕆᓕᑦᑕᑦᑎᓂ ᓴᐃᒻᒪᖃᑎᒌᒍᑎᑦ.

ᐃᒃᐱᒍᓱᒃᑐᖓ ᐅᓇ ᐱᒻᒪᕆᐅᔪᖅ ᒫᓐᓇᐅᔪᖅ ᐅᕙᑦᑎᓂᒃ ᐃᖃᐃᑎᓯᒪᒍᑦᑕ ᐃᒻᒪᑲᓪᓚᓂᑕᒻᒪᕆᐋᓘᐃᖅᑦ ᑕᐅᑦᑐᕆᔭᐅᔪᑦ, ᐱᓕᕆᐊᒃᓴᓄᑦ ᐸᕐᓇᒃᓯᒪᔪᑦ, ᐋᕿᒃᓯᓯᒪᔾᔪᑎᒃᓴᐃᑦ ᐊᒻᒪᓗ ᐃᖏᕐᕋᓯᑎᑕᐅᓯᒪᔪᑦ ᐅᑯᐊ ᒪᓕᒃᑕᐅᔭᕆᐊᖃᖅᓯᒪᔪᑦ ‘ᐅᑭᐅᖅᑕᖅᑐᒧᑦ' ᐊᒻᒪᓗ ᐱᓯᒪᓇᓂ ‘ᐱᓕᕆᖃᑎᒋᓗᒍ ᐅᑭᐅᖅᑕᖅᑐ'. ᐱᑕᖃᖅᑐᖅ ᐊᒥᓱᓂᒃ ᐅᖃᐅᓯᕐᓂᒃ ᐅᖃᖅᓯᒪᔭᖏᑦ ᑲᓇᑕᐅᑉ ᓯᕗᓕᐅᖅᑎᖓᑕ ᐳᓚᐃᒻ ᒥᓂᔅᑕ ᐊᒥᓱᓂ ᐊᕐᕌᒍᓂᑦ ᐊᓂᒍᖅᑐᓂ ᖃᓄᐃᒻᒪᒃ ᐅᑭᐅᖅᑕᖅᑐᖅ ᐊᑑᑎᖃᕐᓂᖓ ᑲᓇᑕᒧᑦ. ᑕᐃᒪᖓᓂᓪ, ᐅᑯᐊ ᐅᖃᐅᓯᑦ ᐱᓕᕆᔭᕆᐊᖃᕐᓂᒨᖓᐃᓐᓇᖅᓯᒪᖕᒪᑕ ᑕᐅᑦᑐᕆᔭᐅᔪᑎᒎᖓᓇᑎᒃ ᐊᒻᒪᓗ ᓄᓇᑖᕈᑎᑦᑎᒍᑦ, ᑭᓯᐊᓂ ᐅᓇ ᐊᔪᖏᖁᒍᓂᔾᔪᒃ ᐱᔭᕇᖅᑕᐅᖁᒍᓂᔾᔪᒃ ᐊᒻᒪᓗ ᐃᓱᒪᑦᑎᐊᖅᓯᒪᓗᓂ ᐅᓇᓗ ᐱᕕᖃᕐᑎᑦᑎᓂᐊᕐᒪᑦ ᐱᓪᓗᒍ ᓱᕈᖅᓴᐃᓐᖏᑦᑐᓄᑦ ᐱᕙᓪᓕᐊᑎᑦᑎᓂᕐᒥᒃ. ᑕᒪᓐᓇ ᑕᐃᒪᓐᓇᐃᓕᖓᓕᕐᑎᓐᓂᐊᕈᓂ, ᐅᑭᐅᖅᑕᖅᑐᒥ ᐊᖓᔪᖅᑳᖑᔪᑦ ᐃᓚᐅᔭᕆᐊᖃᖅᑐᑦ ᐋᕿᒃᓱᕐᓗᒋ ᐊᖕᖏᔪᑦ ᐃᓱᒪᓕᐊᕆᔭᕆᐊᖃᖅᑐᑦ. ᐅᓇ ᓄᑖᖅ ᐅᑭᐅᖅᑕᖅᑐᖅᐊᑐᐊᒐᒃᓴᖓ ᐱᒋᐊᖅᓯᒪᔪᖅ ᐃᓚᓕᐅᑎᓯᒪᓪᓗᒋᑦ, ᐃᒃᐱᒋᑦᑎᐊᖅᖢᒋᑦ ᐊᒻᒪᓗ ᖃᐅᔨᒪᓪᓗᒋᑦ ᐊᔪᔾᔮᖏᓂᖓᓂᒃ ᐱᕙᓪᓕᐊᓂᖓ ᐅᑯᐊ ᓴᕿᑕᐅᑎᓪᓗᒋᑦ (ᐊᒻᒪᓗ ᒪᓕᒡᓗᑎᒃ) ᑐᖕᖓᔾᔪᑕᐅᔪᓂᒃ ᐱᓇᓱᐊᖃᑎᒌᖕᓂᒃᑯᑦ. ᐅᖃᐅᓯᕆᑲᓐᓂᕐᓂᐊᖅᑕᕋ ᓇᓗᓇᐃᔭᑦᑎᐊᑲᓐᓂᕐᓗᒍ ᐃᓚᖓ ll ᐅᕙᖓ ᐅᓂᒃᑳᓕᐊᖓᓂ.

ᐅᓇ ᑭᖑᓪᓕᖅᐹᖅ ᑕᑯᓯᒪᔭᓐᓂᒃ ᐱᓯᒪᔪᖅ ᓇᓗᓇᐃᔭᑦᑎᐊᕐᓗᒋᑦ "ᑭᓲᖕᒪᑦ ᐅᑭᐅᖅᑕᖅᑐᖅ"? 1 ᐅᓇ ᑐᑭᓯᓇᖅᓯᒪᓐᖏᑦᑐᖅ ᐊᒻᒪᓗ ᐃᓚᖓᒍᑦ ᑲᑎᖓᔪᑦ ᓄᓇᖃᑎᒋᓐᖏᑕᒥᖕᓄᑦ ᐱᔭᒃᓴᖏᓐᓂᒃ, ᒪᓕᒐᓕᕆᔨᒃᑯᑦ ᑎᓕᔭᐅᓯᒪᓂᖅ ᓴᕿᑕᐅᓯᒪᔪᖅ ᓄᓇᑖᕈᑎᑦ ᐊᖕᖏᖃᑎᒌᒍᑎᖏᓐᓂ ᐊᒻᒪᓗ ᑲᓇᑕᐅᑉ ᒪᓕᒐᕐᔪᐊᖓᓂᑦ ᓄᑖᖅ, ᓇᖕᒥᓂ ᖃᕙᒪᑲᕐᒃᓂᖅ ᐊᒻᒪᓗ ᓇᖕᒥᓂᖅᓱᕐᓂᖅ ᐱᔪᓐᓇᖅᓂᖅᑖᖅᑎᑕᐅᓂᖅ, ᒪᓕᑦᑎᐊᕆᐊᓕᑦ ᐊᑖᒍᑦ ᑕᐅᑦᑐᕆᔭᖏᓐᓂᑦ ᐃᓕᓴᕆᔭᐅᓂᕐᒧᑦ ᐊᒻᒪᓗ ᐃᑲᔪᖅᑕᐅᓂᕐᒧᑦ ᐊᖓᔪᖅᑳᓂᑦ ᐅᑭᐅᖅᑕᖅᑐᒥ ᒐᕙᒪᖏᓐᓂᑦ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᐊᐅᓚᑦᓯᔨᖏᓐᓂᑦ. ᐅᓇ ᐃᓚᖓᑦ ᓯᕗᓪᓕᕐᓂ ᐱᔭᒃᓴᓂ ᐱᕙᓪᓕᐊᑎᑕᐅᑎᓪᓗᒍ ᓄᑖᖅ ᐅᑭᐅᖅᑕᖅᑐᖅ ᐊᑐᐊᒐᒃᓴᖓ ᓇᓗᓇᐃᑦᑎᐊᖅᓯᒪᒋᐊᓕᒃ, ᐃᓗᐊᓂ ᑕᐅᑦᑐᕆᔭᐅᔪᖅ, ᓂᕈᐊᖅᑕᐅᓯᒪᔪᓂᑦ ᐊᒻᒪᓗ ᓄᓇᖃᑎᒌᓂᑦ ᓄᓇᓕᖕᓂ ‘ᐅᑭᐅᖅᑕᖅᑐᕐᒥ'. ᐱᔾᔪᑎᒋᓪᓗᒋᑦ ᑕᒡᕙᓂ ᐅᓂᒃᑳᒥ, ᐋᕿᒃᓯᒪᓂᐊᖅᑕᕗᑦ ᐱᓯᒪᔪᑦ ᐅᑭᐅᖅᑕᖅᑐᒥᒃ ᑕᒪᒃᑭᖅᓯᒪᔪᖅ ᑲᓇᑕᐅᑉ ᐱᖓᓱᑦ ᐅᑭᐅᖅᑕᖅᑐᖏᑦ ᑎᐅᓕᑐᐊᓕᔅ ᐊᒻᒪᓗ ᐃᓄᐃᑦ ᓄᓇᖏᑦ ᓄᓇᕕᒃ ᐊᒻᒪᓗ.

ᐅᐃᒍᖅ 1: ᑎᑎᕋᖅᓯᒪᔪᑦ ᐊᑐᓕᖁᔭᐅᔪᑦ

1 ᐃᓕᓐᓂᐊᕐᓂᖅ

ᐊᑐᓕᖁᔭᐅᕗᖅ ᐅᑯᐊ ᑲᓇᑕᐅᑉ ᒐᕙᒪᒃᑯᖏᑦ ᐃᒪᐃᒻᒪᑦ:

  1. ᐃᓕᓐᓂᐊᖅᑐᓕᕆᓂᖅ ᐋᕿᒃᓱᕈᑎᒋᓗᒋᑦ ᑕᒪᐃᓐᓄᑦ ᐅᑭᐅᖅᑕᖅᑐᖅᐊᑐᒐᒃᓴᖓᒍᑦ ᐅᑯᐊᓗ ᐊᑕᔪᑦ ᐃᓘᓯᖃᑦᑎᐊᖁᓪᓗᒋᑦ ᐃᓄᖏᑦ ᐊᒻᒪᓗ ᐃᓅᓯᓕᕆᓂᕐᒥ ᐊᒻᒪᓗ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᕐᒥ ᐱᓕᕆᐊᖑᕙᓪᓕᐋᔪᓂ.
  2. ᑮᓇᐅᔭᒃᓴᖏᑦ ᐅᓄᖅᓯᒋᐊᖅᑎᓪᓗᒋᑦ ᐊᑑᑎᖃᑦᑎᐊᑦᑐᓄᑦ, ᐱᐅᓯᑐᖃᖏᓐᓄᑦ - ᐊᑑᑎᔪᑦ ᐃᓕᓐᓂᐊᓕᓐᖏᑦᑐᑦ ᓱᓕ ᐃᓕᓐᓂᐊᕐᑎᑦᑎᓂᕐᒧᑦ (ᓲᕐᓗ ᓄᓇᖅᑲᖅᑳᖅᓯᒪᔪᑦ ᐸᐃᕆᕕᖏᑦ).
  3. ᑐᓴᕐᑎᑦᑎᓗᑎᒃ ᐱᔾᔪᑎᒥᖕᓂᒃ ᓴᕿᑦᑎᓗᑎᒃ ᐃᓕᓐᓂᐊᕐᕕᒃᔪᐊᖅ ᐅᑭᐅᖅᑕᖅᑐᒧᑦ ᑭᒡᒐᖅᑐᖅᑕᐅᓗᓂ ᐅᑭᐅᖅᑕᖅᑐᒥ ᐃᓕᓐᓂᐊᕐᕕᒃᔪᐊᒥ ᖃᐅᔨᓴᕈᔭᐅᔪᓄᑦ ᑲᑎᒪᔨᖑᖅᑎᑕᐅᓯᒪᔪᑦ ᓴᕿᑦᑎᓗᑎᒃ ᑕᐅᑦᑎᕆᔭᐅᔪᓂᒃ ᐊᒻᒪᓗ ᐃᖏᕐᕋᑎᑕᐅᔾᔪᑎᒃᓴᖓᓂᒃ.
  4. ᐅᓄᖅᓯᒋᐊᖅᓯᓗᑎᒃ ᐱᔭᐅᔪᓐᓇᖅᑐᑦ ᑲᔪᓯᑎᑕᐅᓗᑎᒃ ᓄᓇᓕᖕᓃᑦᑐᑦ ᐃᓱᒪᓕᕆᓂᕐᒧᑦ ᐋᓐᓂᐊᖃᖅᑕᐃᓕᑎᑦᑎᔨᒃᑯᑦ ᐱᓕᕆᔨᑦ ᐃᓕᓐᓂᐊᖅᑐᓄᑦ.
  5. ᖃᑭᒐᓱᐊᕈᑎᖃᕐᓗᑎᒃ ᒪᑐᓗᒍ ‘ᓴᕿᔮᓐᖏᑦᑐᖅ ᐊᕕᒃᑎᑦᑎᓯᒪᔪᖅ ᖃᕆᓴᐅᔭᒃᑯᕈᑎᓂᒃ' ᐅᓄᖅᓯᓂᐊᕐᒪᑕ ᐊᑐᕈᓐᓇᖅᑐᑦ ᖃᕆᓴᐅᔭᒃᑯᑦ ᐃᓕᓐᓂᐊᕈᑎᖏᓐᓂᒃ ᐊᒻᒪᓗ ᖃᐅᔨᓴᕈᑎᖏᓐᓂᒃ ᑖᒃᑯᐊ ᐅᑭᐅᖅᑕᖅᑐᒥ ᐃᓕᓐᓂᐊᖅᑐᑦ.
  6. ᐋᕿᑦᑎᐊᖅᓯᒪᐃᓐᓇᕐᓗᒋᑦ ᐊᒻᒪᓗ ᐊᖕᖏᒡᓕᒋᐊᕐᓗᒋᑦ ᐃᑲᔪᖅᑕᐅᓂᖓ ᓯᕗᓂᒃᓴᕗᑦ ᐃᓕᓐᓂᐊᕈᑎᖏᑦ ᐃᓄᖕᓄᑦ ᓄᓇᖓᓐᓄᑦ.
  7. ᐊᖕᖏᖅᓯᓗᑎᒃ ᐃᑲᔫᑎᒃᓴᓄᑦ ᓄᓇᖅᑲᖅᑳᖅᒪᔪᑦ ᐅᖃᐅᓯᑐᖃᖏᓐᓄᑦ ᓴᓇᖃᑎᒋᓗᒋᑦ ᒐᕙᒪᒃᑯᑦ ᓇᑯᐅᒃᑯᑐᐃᓐᓇᖅ ᐃᓕᓐᓂᐊᕈᑎᒥᒃᑎᒍᑦ, ᐃᓕᓐᓂᐊᕐᕕᑦ ᑲᑎᒪᔨᖏᑦ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᐊᐅᓚᑦᓯᔨᖏᑦ ᑕᒪᒃᑯᓄᖓ ᑎᓕᔭᐅᓯᒪᓗᑎᒃ ᐅᖃᐅᓯᖅ ᐊᓯᐅᔾᔭᐃᑦᑎᐊᕐᓗᒍ ᐊᒻᒪᓗ ᐱᕚᓪᓕᕈᑎᒋᑦᑎᐊᑲᓐᓂᕐᓗᒍ ᐃᓱᒪᓕᐊᕈᑎᒋᓗᒋᑦ ᑭᖕᖑᒪᓇᖅᑐᑦ ᐃᖃᐅᒪᓇᖅᑐᑦ ᐊᒻᒪᓗ ᓴᐅᒃᑯᑦ ᐊᑐᐊᒐᕐᒥ ᐊᒻᒪᓗ ᑮᓇᐅᔭᒃᓴᖏᑦᑎᒍᑦ ᐃᑲᔪᕐᓗᑎᒃ ᐃᑲᔫᑎᒐᔭᖅᑐᖅ ᐊᖕᖏᓂᖅᐹᒥᒃ.
  8. ᐊᑐᕆᐊᖃᖅᑎᑦᑎᓗᑎᒃ ᐅᑯᐊ ᑕᒪᕐᒥᒃ ᒐᔭᒪᑐᖃᒃᑯᑦ ᖃᑭᒐᓱᐊᕈᑎᒋᔭᖏᑦ ᓇᑉᐸᕆᐊᓕᖕᓄᑦ ᐊᒻᒪᓗ ᐃᒡᓗᒃᓴᓄᑦ ᐃᓚᖃᕐᓗᑎᒃ ᓴᓇᔪᓐᓇᖅᓯᑎᑦᑎᓂᕐᒥᒃ ᐱᔭᕆᐅᖅᓴᑎᑦᑎᓗᑎᒃ ᐊᒻᒪᓗ ᓴᓇᔨᐅᓂᕐᒥᒃ ᐊᒻᒪᓗ ᐃᖅᑲᓇᐃᔮᒃᓴᖃᕐᑎᑦᑎᓗᑎᒃ.

2 ᖃᐅᔨᓴᐃᓂᖅ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᖃᐅᔨᒪᔭᑐᖃᖏᑦ

ᐊᑐᓕᖁᔭᐅᕗᖅ ᐅᑯᐊ ᑲᓇᑕᐅᑉ ᒐᕙᒪᒃᑯᖏᑦ ᐃᒪᐃᒻᒪᑦ:

  1. ᓴᕿᑦᑎᓗᑎᒃ ᐊᒻᒪᓗ ᐃᑲᔪᕐᓗᑎᒃ ᑲᒪᕕᖓᓂ ᓄᓇᖅᑲᖅᑳᖅᓯᒪᔪᑦ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᑕᐃᒪᓗ ᑕᒪᒃᑯᐊ ᕿᑎᐊᓃᒻᒪᑕ ᑕᒪᐃᓐᓄᑦ ᐃᓗᓂᖏᓐᓄᑦ ᑲᓇᑕᐅᑉ ᐅᑭᐅᖅᑕᖅᑐᐊᓂ ᐅᑭᐅᖅᑕᖅᑐᒥᒃ ᖃᐅᔨᓴᕐᕕᒃ ᐱᑐᒃᕕᖓᑦ ᐊᒻᒪᓗ ᐃᑲᔪᕐᕕᖓᑦ ᐊᕕᒃᑐᖅᓯᒪᔪᓄᑦ ᐃᑲᔪᕐᕖᑦ ᐊᒻᒪᓗ ᐃᓕᓐᓂᐊᕐᕖᑦ.
  2. ᑐᑭᒧᐊᒃᑎᑦᑎᓗᑎᒃ ᐅᑭᐅᖅᑕᖅᑐᒥᒃ ᖃᐅᔨᒪᔪᑐᖃᓕᕆᔨᒃᑯᓂᒃ ᑲᓇᑕ ᐃᓚᓕᐅᑎᓯᒪᖁᓗᒋᑦ ᑐᑭᖓ ᐱᐅᓯᕚᓪᓕᕐᑎᑦᑎᓂᖅ ᐃᓘᓯᖏᓐᓂᒃ ᐊᒻᒪᓗ ᖃᓄᐃᖏᑦᑎᐊᖁᓪᓗᒋᑦ ᐃᓚᒌᑦ (ᑎᒥᖏᑦ ᐊᒻᒪᓗ ᐃᓱᒪᖏᑦ, ᐃᒡᓗᓂᒃ, ᓂᕿᑦᑎᐊᕙᖕᓂᒃ ᐊᓯᖏᓪᓗ) ᖃᐅᔨᓴᕈᑎᒥᖕᓂ ᓯᕗᓪᓕᖅᐸᐅᑎᓪᓗᒋᑦ.
  3. ᖃᐅᔨᒪᑦᑎᐊᕐᓗᑎᒃ ᑎᒃᑯᐊᖅᑕᐅᑎᑦᑎᓗᑎᒃ ᑖᒃᑯᓄᖓ ᐅᑭᐅᖅᑕᖅᑐᒥᒃ ᖃᐅᔨᒪᔪᑐᖃᓕᕆᔨᒃᑯᓂᒃ ᑲᓇᑕ ᐃᓚᓕᐅᑎᔭᐅᑦᑎᐊᖅᓯᒪᓗᑎᒃ ᐊᒻᒪᓗ ᑭᒡᒐᖅᑐᐃᑦᑎᐊᕐᓗᑎᒃ ᐅᑭᐅᖅᑕᖅᑐᒥ ᐃᓄᖏᓐᓂᒃ ᐊᒻᒪᓗ ᓯᕗᓪᓕᖅᐸᐅᑎᖄᕆᐊᓕᖕᓂᒃ ᐋᕿᒃᓱᐃᓂᕐᒧᑦ ᐃᓕᓪᓕᐊᕐᓗᑎᒃ ᐅᖃᐅᑎᔭᐅᑦᑎᐊᖅᓯᒪᓗᑎᒃ ᐅᑭᐅᖅᑕᖅᑐᖅ ᐃᓄᖏᓐᓂᑦ, ᒐᕙᒪᒃᑯᓂᑦ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᐊᐅᓚᑦᓯᔨᖏᓐᓂᑦ.
  4. ᖃᑭᒐᓱᐊᕈᑎᖃᕐᓗᑎᒃ ᐆᒻᒪᖁᑎᓕᕆᓂᕐᒥᒃ ᖃᐅᔨᓴᕈᑎᓂᒃ ᓄᐊᑦᑎᓂᖅ ᐊᑑᑎᖃᖅᑐᓂᒃ ᓴᕿᑦᑎᔾᔪᑎᒃᓴᓄᑦ ᐊᒃᑐᐃᓗᐊᕐᓂᐊᓐᖏᑦᑐᓂᒃ ᐅᑭᐅᖅᑕᖅᑐᖅ ᑕᕆᐅᖏᓐᓂ ᐅᓯᑲᖅᑕᖅᑐᑦ ᐃᑳᕐᕕᖏᓄᑦ.
  5. ᐱᓇᓱᐊᖃᑎᒋᓗᒋᑦ ᐅᑭᐅᖅᑕᖅᑐᒥ ᐊᐅᓚᑦᓯᔨᖏᑦ ᐊᒻᒪᓗ ᑎᐅᓕᑐᐊᓕᔅ ᒐᕙᒪᖏᑦ ᓴᕿᑦᑎᓗᑎᒃ ᐅᒥᐊᕐᓄᑦ ᐊᐅᓚᑦᑎᔾᔪᑎᒃᓴᓄᑦ ᐊᒻᒪᓗ ᒥᐊᓂᕆᔾᔪᑎᒃᓴᓄᑦ ᐅᓄᖅᓯᕙᓪᓕᐊᓗᐊᓕᕐᓂᖏᓐᓄᑦ ᐅᓯᑲᖅᑕᖅᑐᑦ ᐃᒪᖏᓐᓂ ᐃᑲᔫᑎᓂᖅᓴᐅᓂᐊᖅᑐᓂᒃ ᐅᑭᐅᖅᑕᖅᑐᒥ ᓄᓇᓕᖕᓄᑦ.
  6. ᐅᓄᖅᓯᒋᐊᕐᓗᒋᑦ ᓄᓇᖓᓂᒃ ᓄᓇᓐᖑᐊᓕᕆᓂᖅ ᐅᑭᐅᖅᑕᖅᑐᒥᒃ ᐊᖕᖏᒡᓕᒋᐊᕐᓗᒋᑦ ᐊᑐᐃᓐᓇᐅᔪᑦ ᓄᓇᓐᖑᐊᓕᐅᕈᑎᑦ ᐊᒻᒪᓗ ᓄᓇᖓᓂᒃ ᒪᓂᕋᖓᓂᒃ ᐅᔭᖃᓂᒃ ᖃᐅᔨᓴᖅᑐᑦ.

3 ᓇᑉᐸᖅᓯᒪᔪᓄᑦ ᐊᑐᐊᒐᖅ

ᐊᑐᓕᖁᔭᐅᕗᖅ ᐅᑯᐊ ᑲᓇᑕᐅᑉ ᒐᕙᒪᒃᑯᖏᑦ ᐃᒪᐃᒻᒪᑦ:

  1. ᑖᒃᑯᐊᓗ ᐅᑭᐅᖅᑕᖅᑐᒥ ᒐᕙᒪᒃᑯᑦ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᐊᖓᔪᖅᑳᖏᑦ, ᓴᕿᑦᑎᓗᑎᒃ ᐋᕿᒃᓯᒪᔾᔪᑎᒃᓴᓄᑦ ᐅᑭᐅᖅᑕᖅᑐᒥ ᓇᑉᐸᖅᑕᐅᓂᐊᖅᑐᓄᑦ ᐱᓕᕆᐊᒃᓴᓄᑦ ᐅᑯᐊᓗ ᐱᓯᒪᔪᑦ ᐊᑕᐅᓯᑐᐊᒥᒃ ᐊᔾᔨᐅᓐᖏᑑᓂᖓᓂ ᐃᓗᓕᖓ ᓇᑉᐸᕐᓂᐊᖅᑐᑦ, "ᒪᓕᒃᓴᖅᓯᒪᓗᑎᒃ ᐊᖑᒪᑎᓗᑎᒃ' ᓄᓇᒥᒃ ᓇᑉᐸᖅᓯᒪᔪᓐᓇᖅᑐᓂᒃ ᐃᖅᐸᖅᓯᒪᔪᓂᒃ ᐅᑭᐅᖅᑕᖅᑐᒥ, ᐊᒻᒪᓗ ᐅᑯᐊ ᑕᒻᒪᖅᓯᒪᔪᓐᓃᖅᑎᑦᑎᓯᒪᔪᑦ ᓄᓇᖓᑕ ᖃᓄᕆᑑᓂᖓᓄᑦ ᐊᑐᓂ ᓴᓂᖅᐸᒃᑕᐅᔪᑦ ᑮᓇᐅᔭᐃᑦ ᒪᓕᓐᖏᓪᓗᒃ ᑐᖕᖓᕕᖃᖅᑐᓂᒃ ᑮᓇᐅᔭᒃᓴᓂᒃ.

4 ᖃᖓᑦᑕᖅᑎᑕᐅᓯᒪᔾᔪᑏᑦ ᖃᕆᓴᐅᔭᓕᕆᔾᔪᑕᐅᔪᓄᑦ

ᐊᑐᓕᖁᔭᐅᕗᖅ ᐅᑯᐊ ᑲᓇᑕᐅᑉ ᒐᕙᒪᒃᑯᖏᑦ ᐃᒪᐃᒻᒪᑦ:

  1. ᐊᖕᖏᖅᓯᒪᓗᑎᒃ ᑐᕌᕆᔭᖏᓐᓄᑦ ᐱᔨᑦᑎᕋᐅᑎᑦ ᖃᓄᐃᓕᖓᓂᖏᑦ ᖃᖓᑦᑕᖅᑎᑕᐅᓯᒪᔪᓕᕆᔾᔪᑏᑦ ᖃᑭᒐᓱᐊᕈᑎᒋᓗᒋᑦ ᐊᑐᓕᖁᔭᐅᓚᐅᖅᓯᒪᔪᓂᑦ ᓇᓂᔪᓐᓇᖅᑕᓯ 2011 ᐅᑭᐅᖅᑕᖅᑐᒥ ᑐᓴᐅᑎᓕᕆᔾᔪᑎᑦ ᓇᑉᐸᖅᑕᐅᓯᒪᔪᑦ ᖃᐅᔨᓇᓱᒃᑕᐅᑦᑎᐊᖅᓯᒪᓂᖓ ᐅᓂᒃᑳᖅ ᑖᒃᑯᐊᓗ 2016 ᐅᑭᐅᖅᑕᖅᑐᒥ ᑮᓇᐅᔭᑎᒍᑦ ᐱᕙᓪᓕᐊᑎᑦᑎᓂᖅ ᑲᑎᒪᔨᖏᑦᑕ ᐅᓂᒃᑳᖏᑦ ᐅᓇ ᐅᑭᐅᖅᑕᖅᑐᒥ ᖃᖓᑦᑕᖅᑎᑕᐅᓯᒪᔪᓕᕆᔾᔪᑎᑦ: ᐊᑐᓕᖁᔭᐅᔪᑦ ᑲᑎᖓᑎᑦᑎᓂᐊᖅᑐᑦ ᐅᑭᐅᖅᑕᖅᑐᒥᒃ
  2. ᐋᕿᒋᐊᑦᑎᐊᑲᓐᓂᕐᓗᒋᑦ ᓇᑉᐸᖅᓯᒪᔪ ᐱᓕᕆᑎᑦᑎᔾᔪᑕᐅᔪᑦ ᐃᒪᓐᓇᐃᓕᖓᔾᔪᑕᐅᔪᑦ ᐊᔪᖏᑎᑦᑎᔪᑦ ᐅᑭᐅᖅᑕᖅᑐᒥ ᖃᖓᑦᑕᖅᑎᑕᐅᓯᒪᔪᓕᕆᔾᔪᑎᑦ ᖃᕆᓴᐅᔭᕐᓄᑦ ᐱᓕᕆᐊᖑᔪᑦ ‘ᑲᓇᑕᐅᑉ ᓇᑉᐸᖅᓯᒪᔭᖏᑦ' ᐊᑖᒍᑦ ᓴᓇᔭᐅᓂᖓ ᑲᓇᑕ ᑮᓇᐅᔭᒃᓴᖏᓐᓂᑦ.
  3. ᓴᓇᓗᑎᒃ ᖃᕆᓴᐅᔭᓕᕆᔾᔪᑕᐅᔪᓐᓇᖅᑐᓄᑦ ᓇᑉᐸᕆᐊᓕᑦ ᓴᓇᖃᑦᑕᕐᓂᐊᖅᑕᖏᓐᓂᒃ ᐃᒡᓗᓕ ᓄᓇᓕᖕᓂ.    ᐊᒻᒪᓗ ᐱᓕᕆᑎᑦᑎᔾᔪᑕᐅᔪᑦ ᖃᓄᑐᐃᓐᓇᑦ ᒐᕙᒪᑐᖃᒃᑯᓂ ᐃᖏᕐᕋᓯᑎᑕᐅᓯᒪᔪᑦ ᐃᓕᓐᓂᐊᖅᑐᓕᕆᓂᕐᒧᑦ, ᐅᖃᐅᓯᓕᕆᓂᕐᒧᑦ ᐊᒻᒪᓗ ᐃᓱᒪᖏᑦ ᐋᓐᓂᐊᕈᑎᖃᖅᑐᓄᑦ ᐃᑲᔫᑎᑦ.

5 ᐃᒡᓗᓕᕆᓂᖅ

ᐊᑐᓕᖁᔭᐅᕗᖅ ᐅᑯᐊ ᑲᓇᑕᐅᑉ ᒐᕙᒪᒃᑯᖏᑦ ᐃᒪᐃᒻᒪᑦ:

  1. ᐱᓕᕆᓗᒋᑦ ᐊᑐᓕᖁᔭᐅᔪᑦ ᓇᓂᓯᒪᔭᖏᑦ ᑲᑎᒪᔨᐅᖏᓐᓇᖅᑐᑦ ᐅᓂᒃᑳᖏᑦ ᐱᓪᓗᒋᑦ ᐃᒡᓗᑦ ᐃᓄᐃᑦ ᓄᓇᖓᓂ ᐊᒻᒪᓗ ᓴᓇᑎᖃᕐᓗᑎᒃ ᒐᕙᒪᒃᑯᓂᒃ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᐊᐅᓚᑦᓯᔨᖏᓐᓂᒃ ᐊᑐᓕᕐᓗᒋᑦ ᐅᑯᐊ ᐊᑐᓕᖁᔭᐅᔪᑦ ᑖᒃᑯᓄᖓ ᐊᓯᒥᖕᓄᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᓂ ᑕᒪᐅᓐᓇ ᑎᓕᔭᐅᓯᒪᓂᕐᒥᒍᑦ (ᐅᑯᐊᓗ ᐃᓚᖃᖅᑐᑦ ᐱᖓᓱᓂᒃ ᑎᐅᓕᑐᐊᓕᔅᓂᒃ ᖄᖓᒍᑦ ᐃᓄᐃᑦ ᐊᕕᒃᑐᖅᓯᒪᔪᑦ ᑯᐸᐃᖕᒥ ᐊᒻᒪᓗ ᓈᐸᑐᐊᒥ)
  2. ᓴᓇᓗᒋᑦ ᐋᕿᒃᓯᒪᔾᔪᑎᒃᓴᖏᑦ ᐊᒻᒪᓗ ᐊᑐᓕᖅᑕᐅᑎᓪᓗᒋᑦ ᑕᓪᓕᒪᓄᑦ ᐅᑭᐅᓄᑦ ᑮᓇᐅᔭᒃᓴᑦ ᐊᖕᖏᕈᑏᑦ ᒪᓕᑦᑎᐊᕐᓗᑎᒃ ᐸᕐᓇᒃᑕᐅᓯᒪᔪᓄᑦ, ᐃᖏᕐᕋᔾᔪᑎᓕᕆᓂᖅ ᐊᒻᒪᓗ ᓴᓇᔭᐅᔪᑦ ᐅᖁᒪᐃᑦᑑᑎᑦ ᖃᓄᐃᓕᖓᓪᓚᑖᕐᓂᖏᑦᑎᒍᑦ ᐅᑭᐅᖅᑕᖅᑐᒥ
  3. ᐋᕿᒋᐊᕐᓗᒋᑦ ᐊᑐᐊᒐᐃᑦ ᐅᑭᐅᖅᑕᖅᑐᒥ ᐃᒡᓗᓕᕆᔨᒃᑯᓄᖅ ᐊᔪᖏᑎᑦᑎᓗᑎᒃ ᐃᓚᐅᑎᑦᑎᓗᑎᒃ ᓄᓇᖅᑲᖅᑳᖅᓯᒪᔪᓂᒃ ᐃᒪᐃᓕᖓᔾᔪᑎᒋᒐᔭᖅᑕᖏᓐᓄᑦ, ᓴᓇᓯᒪᓂᖏᓐᓄᑦ, ᐃᒡᓗᓕᐊᖑᓂᖏᓐᓄᑦ, ᐊᒻᒪᓗ ᓴᓇᑦᑎᐊᖃᑦᑕᐃᓐᓇᕐᓂᐊᕐᓗᒋᑦ ᐃᔨᓗᐃᑦ ᓄᓇᓕᖕᓂ
  4. ᐊᑖᒍᑦ ᐃᓅᓯᓕᕆᒥᖅ ᐱᓪᓗᒍ ᓇᑉᐸᕆᐊᖃᓕᑦᑐᑦ ᑮᓇᐅᔭᒃᓴᖏᑦ, ᓴᕿᑦᑎᓗᑎᒃ ᐱᓕᕆᑎᑦᑎᔾᔪᑎᒃᓴᓂᒃ ᑎᓕᐅᕆᓂᐊᖅᑐᓂᒃ ᐃᒡᓗᓕᐅᕐᓗᑎᒃ ᓄᓇᖃᖅᑐᓄᑦ ᐃᓱᒪᒥᒍᑦ ᐋᓐᓂᐊᕈᑎᖃᖅᑐᑦ ᓴᓇᓯᒪᓗᑎᒃ ᓄᓇᓕᖕᓂᑦ ᐃᑲᔪᖅᑕᐅᓗᑎᒃ ᐊᒻᒪᓗ ᒪᒥᓴᖅᑕᐅᓗᑎᒃ

6 ᐊᑦᑎᒃᓯᓯᒪᑎᑦᑎᓂᖅ ᐅᖅᓱᐊᓗᖕᒥᒃ ᐊᑐᓗᐊᕐᓂᖅ

ᐊᑐᓕᖁᔭᐅᕗᖅ ᐅᑯᐊ ᑲᓇᑕᐅᑉ ᒐᕙᒪᒃᑯᖏᑦ ᐃᒪᐃᒻᒪᑦ:

  1. ᐅᑯᐊ ᐃᓄᓕᕆᔨᑐᖃᒃᑯᑦ ᑲᓇᑕᒥ ᐃᖏᕐᕋᑎᑕᖏᑦ ᑐᓴᕐᑎᑦᑎᔾᔪᑎᒋᓚᐅᖅᑕᑎᒃ ᑎᓯᐱᕆᒥ 2016 ᐃᓚᖃᖅᑐᑦ ᐅᑭᐅᖅᑕᖅᑐᖅ ᒐᕙᒪᖏᓐᓂᒃ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᐊᐅᓚᑦᓯᔩᑦ.
  2. ᓴᕿᑎᓗᑎᒃ ᓇᖕᒥᓂᖃᕐᕕᐅᔪᓐᓇᖅᑐᓂᒃ ᑮᓇᐅᔭᒃᓴᖏᓐᓂᒃ ᓄᓇᖅᑲᖅᑳᖅᓯᒪᔪᑦ ᓄᓇᒥᒃ ᓱᕈᖅᓴᐃᓐᖏᑦᑐᓂᒃ ᐆᒻᒪᖁᑎᓕᕆᓂᖅ ᐊᒻᒪᓗ ᖃᐅᒻᒪᖁᑎᒃᓴᓄᑦ.
  3. ᐊᖕᖏᒡᓕᒋᐊᕐᓗᒋᑦ ᐊᒻᒪᓗ ᐃᑲᔪᖃᑎᒌᒡᓗᑎᒃ ᔫᑳᓐ ᓯᓚᑦᑐᖅᓴᕐᕕᖓᓂᒃ ᐊᒻᒪᓗ ᓄᑖᖅ ᓴᓴᕕᐅᔪᓐᓇᖅᑐᑦ ᑲᒻᐸᓂᐅᔪᑦ ᖃᐅᔨᓴᐃᓂᕐᒧᑦ ᐃᒡᓯᕙᐅᑕᖓ ᓯᓚᑦᑐᖅᓴᕐᕕᖕᒥ ᐅᑭᐅᖅᑕᖅᑐᒥ ᐆᒻᒪᖁᑎᓕᕆᓂᕐᒧᑦ ᓄᑖᓂᒃ ᐱᓕᕆᑎᑦᑎᔾᔪᑕᐅᓕᖅᑐᑎᒍᑦ. ᐅᑯᐊ ᓄᓇᒥᐅᑕᕐᓂᖅ ᖃᐅᔨᓴᖅᑐᓕᕆᓂᖅ ᐊᒻᒪᓗ ᐊᐅᓚᐅᓯᕆᓂᕐᒧᑦ ᑲᑎᒪᔨᖏᑦᑕ ᑮᓇᐅᔭᒃᓴᖃᖅᑎᑕᖓ ᐃᖅᑲᓇᐃᔮᒃᓴᖅ ᐃᑲᔪᖅᑕᐅᑲᓐᓂᕐᓂᐊᕐᒪᑕ ᔫᑳᓐ ᐆᒻᒪᖁᑎᓕᕆᓂᖓ, ᐋᑦᑰ ᐆᒻᒪᖁᑎᓕᕆᔨᒃᑯᑦ, ᓄᓇᑦᓯᐊᖅ ᐃᑯᒪᓕᕆᔨᒃᑯᑦ ᑯᐊᐳᕇᓴᓐ ᐊᒻᒪᓗ ᖁᓪᓕᖅ ᐆᒻᒪᖁᑎᓕᕆᔨᒃᑯᑦ. ᐅᓇ ᖃᐅᔨᓴᕐᓂᖅ ᐊᐅᓪᓗᑎᓂᐊᖅᑕᖓ ᐃᓚᓕᐅᑎᔭᐅᓯᒪᓂᖓ ᓄᓇᒥᒃ ᓱᕋᑦᑎᕆᓐᖏᑦᑐᓂᒃ ᐆᒻᒪᖁᑎᖃᕐᓂᖅ ᐃᓄᑭᑦᑐᓂ ᓄᓇᓕᖕᓂ, ᐹᑕᓖᖃᕐᕕᑦ, ᑏᓱᒨᖅᑐᑦ, ᐃᒻᒥᒎᖅᑐᑦ ᐆᒻᒪᖁᑎᖃᕐᑎᑦᑎᔪᑦ, ᓄᓇᖃᑎᒌᑦ, ᐊᒻᒪᓗ ᐅᐊᔭᓕᕆᔨᒃᑯᑦ ᐱᓇᓱᐊᖃᑎᖏᑦ, ᐊᒻᒪᓗ ᐱᔪᒪᔭᐅᓗᐊᕐᓂᖓᓄᑦ ᐊᐅᓚᑦᑎᔨᐅᓂᐊᖅᑐᖅ.

7 ᑕᐅᕗᖓ ᓄᑖᓄᑦ, ᐊᒃᓱᕉᑎᓕᒻᒪᕇᑦ ᐅᑭᐅᖅᑕᖅᑐᒥᒃ ᓴᐳᓐᓂᐊᕆᐊᖃᕐᓂᕐᒧᑦ ᑐᕌᕆᔭᒥᖕᓂᒃ

ᒫᓐᓇ ᐱᒋᐊᖅᑎᑕᐅᓂᐊᖅᑐᑦ ᑎᑭᐅᑎᓂᐊᕐᒪᑕ ᒫᓐᓇᐅᔪᖅ ᓴᐳᓐᓂᐊᕈᑕᐅᔪᒪᔪᓄᑦ ᑎᑭᑎᑕᐅᔪᒪᔪᑦ

ᐊᑐᓕᖁᔭᐅᕗᖅ ᐅᑯᐊ ᑲᓇᑕᐅᑉ ᒐᕙᒪᒃᑯᖏᑦ ᐃᒪᐃᒻᒪᑦ:

  1. ᐱᓕᕆᓗᒋᑦ ᐱᕙᓪᓕᐊᔭᐅᖏᓐᓇᕐᓂᖓ ᐱᔭᕇᕐᓗᒍ ᑕᓪᓗᕈᑎᐅᑉ ᑕᕆᐅᖓ ᐅᓇᓗ ᑲᓇᑕᐅᑉ ᑕᕆᐅᕐᒧᑦ ᓴᐳᓐᓂᐊᕐᕕᖓᑦ ᐊᑐᖅᓯᓂᐊᖅᑐᑦ ᑭᒡᓕᖏᓐᓂᒃ ᐋᕿᒃᓯᓗᑎᒃ ᑖᒃᑯᐊ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ Footnote 1
  2. ᐱᓕᕆᓗᒋᑦ ᐱᕙᓪᓕᐊᔭᐅᖏᓐᓇᕐᓂᖓ ᐱᔭᕇᕐᓗᒍ ᑕᐃᑎᓂ ᓂᓂ ᐅᓇ ᑲᓇᑕᐅᑉ ᒥᕐᖑᐃᖅᓯᕐᕕᒋᓕᕐᓗᒍ.
  3. ᐊᖕᖏᕐᓗᒋᑦ ᐱᑭᐊᓚᓱᐊᓱᐊᖅ ᕿᒥᕐᕈᐊᖅᑎᖏᑦᑕ ᐊᑐᓕᖁᔭᖏᑦ ᓴᕿᑕᐅᓂᖓᓄ ᐃᓄᖕᓂ ᐃᖏᕐᕋᑎᑕᐅᔪᖅ ᐊᐅᓚᑦᑎᔾᔪᑕᐅᔪᒪᔪᓄᑦ ᐸᕐᓇᐅᑎ ᐊᒻᒪᓗ ᒥᐊᓂᕆᔭᐅᓗᑎᒃ ᐱᕙᓪᓕᐊᓂᖓ ᑕᒪᐃᓐᓄᑦ ᐅᑭᐅᖅᑕᖅᑐᒥ ᐃᒪᖏᓐᓄᑦ ᐊᒻᒪᓗ ᐃᓱᒪᒋᔭᐅᑦᑎᐊᕐᓗᑎᒃ ᐃᓕᓴᕆᔭᖑᖁᓪᓗᒋᑦ ᐊᕕᒃᑐᖅᓯᒪᔪᑦ ᓄᓇᖅᑲᖅᑳᖅᓯᒪᔪᑦ ᓴᐳᒻᒥᔭᖓᑦ ᓄᓇ.
  4. ᓴᕿᑦᑎᓗᑎᒃ ‘ᑕᒪᕐᑭᖅᓯᒪᔪᖅ ᒐᕙᒪ' ᐱᒋᐊᕈᑎᒋᓗᒍ ᓄᓇᒥᐅᑕᓄᑦ ᐊᒻᒪᓗ ᑕᕆᐅᕐᒥ ᒥᕐᖑᐃᖅᓯᕐᕕᖕᓄᑦ ᐊᑕᔪᑦ ᐱᓪᓗᒍ ᐊᒃᑐᖅᑕᐅᓂᖏᓐᓄᑦ ᐃᑲᔫᓯᐊᕈᑎᑦ ᐊᖕᖏᕈᑎᖏᑦ ᐅᑯᐊᓗ ᑎᑭᐅᑎᔪ ᐅᒡᕙᓘᓐᓃᑦ ᐅᖓᑖᓄᑦ ᐱᐅᓛᓂᒃ ᓄᓇᕐᔪᐊᒧᑦ ᐱᐅᓯᕆᔭᐅᔪᑦ.

ᓄᓇᖅᑲᖅᑳᖅᓯᒪᔪᑦ ᓴᐳᒻᒥᔭᖏᑦ ᓄᓇᐃᑦ: ᑐᕌᖅᑐᑦ ᓄᑖᓄᑦ ᐊᖕᖏᔪᒥᒃ ᐊᑑᑎᓕᖕᓂᒃ ᐅᑭᐅᖅᑕᖅᑐᒥ ᓴᐳᓐᓂᐊᕈᑕᐅᓂᐊᖅᑐᑦ ᑐᕌᕆᔭᐅᔪᑦ

ᐊᑐᓕᖁᔭᐅᕗᖅ ᐅᑯᐊ ᑲᓇᑕᐅᑉ ᒐᕙᒪᒃᑯᖏᑦ ᐃᒪᐃᒻᒪᑦ:

  1. ᓴᓇᓗᑎᒃ ᐃᓕᓴᕆᔭᐅᓪᓚᑖᖁᓪᓗᒋᑦ ᒫᓐᓇᐅᔪᖅ ᓄᓇᐃᑦ ᐊᒻᒪᓗ ᑕᕆᐅᕐᒥ ᓴᐳᒻᒥᔭᐅᔪᑦ ᐸᕐᓇᐃᕙᓪᓕᐊᓂᖓ ᓴᓂᕐᕙᐃᕙᓪᓕᐊᓂᕐᒧᑦ ᐋᕿᒃᓱᖅᓯᕕᖃᕐᓗᑎᒃ ᐊᒻᒪᓗ ᐃᓕᓴᕆᓗᖏᕆᓗᒋᑦ ᓄᑖᑦ, ᐊᖕᖏᔪᑦ ᓴᐳᓐᓂᐊᕈᑎᒃᓴᓄᑦ ᑐᕌᕆᔭᑦ.
  2. ᑲᔪᓯᔪᒥᒃ ᐱᕙᓪᓕᐊᑎᑦᑎᓗᑎᑦ ᓯᕗᓪᓕᖅᐸᐅᓗᓯ ᓄᓇᓖᑦ ᓄᓇᕐᔪᐊᒥ ᒪᓕᒐᖃᖅᑐᑦ ᐋᑑᑎᔪᓂᒃ ᐱᓕᕆᔾᔪᑎᑦ ᐃᓕᓴᖅᓯᓯᒪᔪᑦ ᓄᓇᖅᑲᖅᑳᖅᓯᒪᔪᑦ ᓴᐳᒻᒥᓂᖏᓐᓂᒃ ᓄᓇᒥᖕᓂᒃ.
  3. ᓴᓇᖃᑎᖃᕐᓗᑎᒃ ᐅᑭᐅᖅᑕᖅᑐᓯ ᒐᕙᒪᒃᑯᓂᒃ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᐊᐅᓚᑦᓯᔨᖏᓐᓂᒃ ᐃᓱᒪᓕᕈᑎᓂᒃ ᓄᑖᓂᒃ ᒐᕙᒪᑐᖃᒃᑯᑦ ᐊᑐᐊᒐᕐᓄᒃ ᑐᑭᒧᐊᒍᑎᖏᑦ ᐅᑯᐊᓗ ᐋᕿᒃᓯᒪᓗᑎᒃ ᐱᕙᓪᓕᐊᓂᖓᑦᑎᒍᑦ ᓇᓗᓇᐃᔭᖅᓯᒪᔪ, ᑮᓇᐅᔭᒃᓴᐃᑦ ᐊᒻᒪᓗ ᐊᐅᓚᑦᑎᔾᔪᑕᐅᔪᑦ ᓄᓇᖅᑲᖅᑳᖅᓯᒪᔪᑦ ᓴᐳᒻᒥᔭᖏᓐᓂᒃ ᓄᓇᓂᒃ.
  4. ᓇᓗᓇᐃᖅᓯᓗᑎᒃ ᐊᑯᓂᐅᔪᒃᑯᑦ ᑮᓇᐅᔭᒃᓴᕆᔭᐅᓂᐊᖅᑐᓂᒃ ᐃᑲᔪᖅᑐᑦ ᓄᓇᓕᖕᓂ ᐃᖏᕐᕋᑎᑕᐅᓗᑎᒃ ᓄᓇᖓᓂ ᓴᐳᓐᓂᐊᖅᑎᐅᔪᓂᑦ ᐊᒻᒪᓗ ᐅᑭᐅᖅᑕᖅᑐᖅ ᓯᒡᔭᖏᓐᓂᒃ ᐊᒻᒪᓗ ᑕᕆᐅᖓᓂᒃ ᐱᔨᑦᑎᕋᐃᓂᕐᒧᑦ ᐱᓕᕆᑎᑦᑎᔾᔪᑕᐅᔪᓐᓇᖅᑐᓂᒃ
  5. ᐱᔪᒪᓗᑎᒃ ᑐᒃᓯᕋᕐᓗᑎᒃ ᓄᓇᕐᔪᐊᒥ ᐃᓚᒌᒃᓴᖏᓐᓄᑦ ᓴᐳᓐᓂᐊᕐᓂᖅ ᓄᓇᒥᐅᑕᓂᒃ ᐅᑯᐊᓗ ᐃᓕᓴᕆᔭᐅᓗᑎᒃ ᓄᓇᖅᑲᖅᑳᖅᓯᒪᔪᑦ ᓴᐳᒻᒥᔭᖏᑦ ᓄᓇᐃᑦ ᐊᑑᑎᖃᖅᑐᑦ ᓴᐳᓐᓂᐊᖅᑕᐅᔪᑦ ᓴᓂᖅᕙᒃᑕᐅᓯᒪᔪᑦ ᐊᑖᒍᑦ ‘ᐊᓯᖏᑦ ᐊᑑᑎᖃᖅᑐᑦ ᓴᐳᓐᓂᐊᕈᑕᐅᔪᑦ' ᐃᒪᐃᓕᖓᔾᔪᑕᐅᔪᓂᑦ.

8 ᐱᕙᓪᓕᐊᑎᑦᑎᓂᖅ ᓄᑖᒥᒃ ᐅᑭᐅᖅᑕᖅᑐᒧᑦ ᐊᑐᐊᒐᒃᓴᒥᒃ

ᐊᑐᓕᖁᔭᐅᕗᖅ ᐅᑯᐊ ᑲᓇᑕᐅᑉ ᒐᕙᒪᒃᑯᖏᑦ ᐃᒪᐃᒻᒪᑦ:

  1. ᐱᒋᐊᖅᑎᑲᓐᓂᕐᓗᒍ ᑲᑎᒪᕕᒃᔪᐊᕐᓂᖅ ᐅᑭᐅᖅᑕᖅᑐᒥ ᒐᕙᒪᒃᑯᑦ ᓯᕗᓕᐅᖅᑎᖏᑦ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᐊᖓᔪᖅᑳᖏᑦ ᐃᓗᐊᓂ ᑲᓇᑕᐅᑉ ᓯᕗᓕᐅᖅᑕᖓᑕ ᐊᒻᒪᓗ ᒥᓂᔅᑕᐃᑦ ᐅᖃᖃᑎᒌᒍᑕᐅᓗᑎᒃ ᐱᕙᓪᓕᐊᑎᑕᐅᓗᑎᒃ ᓄᑖᑦ ᐅᑭᐅᖅᑕᖅᑐᒥᐊᑐᐊᒐᒃᓴᖅ
  2. ᐱᕙᓪᓕᐊᑎᑦᑎᓂᖅ, ᐅᑭᐅᖅᑕᖅᑐᒥ ᐊᖓᔪᖅᑳᑦ, ᑐᖕᖓᔾᔪᑕᐅᔪᓄ ᐱᓇᓱᐊᖃᑎᒌᑦ ᐊᑐᐊᒐᖏᑦ ᐱᕙᓪᓕᐊᓂᖓ.
  3. ᐊᖕᖏᕐᓗᒋᑦ ᐊᖕᖏᓂᖅᓴᒥᒃ ᐱᓕᕆᐊᖑᔭᕆᐊᓕᒃ ᐱᓪᓗᒍ ᐊᖕᖏᔪᒥᒃ ᐊᒃᓱᕉᑕᐅᔪᑦ ᐃᓱᒪᓕᕆᓂᕐᒧᑦ ᐋᓐᓂᐊᖃᖅᑕᐃᓕᑎᑦᑎᓂᖅ.
  4. ᕿᒥᕐᕈᐊᕐᓗᒋᑦ ᑮᓇᐅᔭᒃᓴᓕᕆᔾᔪᑕᐅᔪᑦ ᓄᒃᑕᕐᓂᐊᕐᓗᒋᑦ ᐊᑭᓕᐅᑎᑦ ᐊᕕᒃᑐᖅᓯᒪᔪᓄᑦ ᑲᓇᑕᒥ ᐊᒻᒪᓗ ᑎᐅᓕᑐᐊᓕᓄ ᐊᒻᒪᓗ ᓴᓇᔭᕆᐊᓕᖕᓄᑦ ᐊᓯᑦᔨᐅᑎᔭᕆᐊᓕᑦ ᐃᑲᔫᑎᑦ ᑐᑭᒧᐊᒃᑎᑕᐅᓯᒪᑦᑎᐊᕐᓂᐊᕐᒪᑕ ᐊᖕᖏᓛᖓᒍᑦ ᐊᒃᑐᐃᑦᑎᐊᖅᓯᒪᓗᓂ ᐊᒻᒪᓗ ᐊᑐᐊᒐᑦ ᓄᑖᓂᒃ ᐱᓕᕆᔾᔪᑕᐅᓕᖅᑐᓄᑦ ᐅᑭᐅᖅᑕᖅᑐᒥ ᓄᓇᖃᖅᑐᓄᑦ ᐊᒻᒪᓗ ᓄᓇᓕᖕᓄᑦ.

9 ᐱᓕᕆᐊᖑᓗᑎᒃ ᐃᓱᒪᒥᒍᑦ ᐋᓐᓂᐊᖃᖅᑐᑦ ᑐᐊᕕᕐᓇᖅᓯᔪᑦ

ᐊᑐᓕᖁᔭᐅᕗᖅ ᐅᑯᐊ ᑲᓇᑕᐅᑉ ᒐᕙᒪᒃᑯᖏᑦ ᐃᒪᐃᒻᒪᑦ:

  1. ᓴᓇᖃᑎᒋᓗᒋᑦ ᑎᐅᓕᑐᐊᓕᔅ, ᑲᓇᑕᐅᑉ ᐊᕕᒃᑐᖅᓯᒪᔪᖏᑦ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᓴᕿᑕᐅᓯᒪᔪᑦ ᑐᖕᖓᕕᒃᓴᕆᓂᐊᖅᑕᖓ ᖃᐅᔨᓴᕈᑏᑦ ᐊᑐᑏᖃᖅᑐᑦ ᓇᓗᓇᐃᕐᓂᐊᕐᓗᒋᑦ ᐃᖅᐸᖅᓯᒪᔪᑦ ᐃᓱᒪᒥᒍᑦ ᐋᓐᓂᐊᑲᖅᑐᓄᑦ ᐱᔨᑦᑎᕋᐅᑎᓂ.
  2. ᑎᐅᓕᑐᐊᓕᔅ, ᑲᓇᑕᐅᑉ ᐊᕕᒃᑐᖅᓯᒪᔪᖏᑦ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᐊᐅᓚᑦᓯᔨᖏᑦ ᓴᕿᑦᑎᓄᑎᒃ ᑲᓇᑕᒥ ᐋᕿᒃᓯᓯᒪᔾᔪᑎᒃᓴᓂᒃ ᐊᒻᒪᓗ ᐊᑐᓕᖅᑎᑕᐅᕙᓪᓕᐊᓂᐊᖅᑐᓄᑦ ᐸᕐᓇᐅᑎᓂᒃ ᐃᓚᒋᔭᐅᓗᑎᒃ ᖃᑭᒍᑎᒃᓴᐃᑦ  ᐱᔭᕆᐊᖃᕐᓂᐊᖅᑐᑦ ᒪᑐᓂᐊᕐᓗᖏᑦ ᐃᖅᐸᖅᓯᒪᔪᑦ ᐃᓱᒪᒥᒍᑦ ᐋᓐᓂᐊᖃᖅᑐᓕᕆᓂᕐᒥ (ᑕᐃᒪᓐᓇᐅᖃᓐᓂᖅᑕᐃᓕᑎᑦᑎᓂᖅ, ᐃᓗᐊᖅᓴᐅᑎᑦ, ᐃᓄᓕᕆᔭᐅᓂᖏᑦ ᐊᒻᒪᓗ ᒪᒥᓴᖅᑕᐅᓂᖏᑦ). 
  3. ᑐᓂᓯᒪᓗᒋᑦ ᐃᓱᓕᖃᖃᑦᑕᔮᓐᖏᑦᑐᓂᒃ ᑮᓇᐅᔭᒃᓴᓂᒃ ᐱᔭᕆᐅᖅᓴᑎᑦᑎᕕᒃᓴᓄᑦ ᐃᓕᓐᓂᐊᕐᕕᒃᓴᓄᑦ ᐅᓄᖅᓯᓂᐊᕐᒪᑕ ᓄᓇᖅᑲᖅᑳᖅᓯᒪᔪᑦ ᐋᓐᓂᐊᕕᖕᒥ ᖃᐅᔨᒪᒧᕐᔪᐊᖑᓗᑎᒃ, ᐊᒻᒪᓗ ᐱᔭᕆᐅᖅᓯᒪᓗᑎᒃ ᐱᖁᓯᑐᖃᕐᒥᒍᑦ ᐊᔪᖏᑦᑎᐊᕐᓗᑎᒡᓗ ᖃᓪᓗᓈᑦ ᐃᓗᐊᖅᓴᐃᔾᔪᑎᖏᓐᓂᒃ.
Date modified: