ᓄᓇᒥᖔᖅᑐᑦ ᓂᖀᑦ ᓯᕗᓪᓕᐅᑎᑕᐅᓂᐊᖅᑐᑦ ᐊᑖᒍᑦ ᓂᕿᑦᑎᐊᕙᓕᕆᓂᖅ ᐅᑭᐅᖅᑕᖅᑐᖓᓂ ᑲᓇᑕᐅᑉ

ᓴᕿᑎᑎᓂᕐᒧᑦ ᓈᓴᐅᑦ

ᑲᖏᖅᖠᓂᖅ, ᓄᓇᕗᑦ (ᒫᔾᔨ 17, 2011) – ᒍᕇᐊᒡ ᕆᒃᕗᑦ, ᒪᓕᒐᓕᐅᖅᑎᐅᖃᑕᐅᔪᒧᑦ ᑲᓇᑕᒥ ᑭᓄᐊᕋ (ᐋᓐᑎᐅᕆᔫᒧᑦ) ᐊᒻᒪᓗ ᒪᓕᒐᓕᐅᕐᕕᖕᒥ ᑲᓇᑕᒧᑦ ᑎᑎᕋᖅᑎᐅᔪᖅ ᒥᓂᔅᑕᖓᓄᑦ ᐃᓄᓕᕆᔨᑐᖃᒃᑯᓐᓄᑦ ᐊᒻᒪᓗ ᑲᓇᑕᓕᒫᒥ ᐃᑲᔪᖅᑎᐅᔪᖅ ᐊᓪᓚᖓᔪᓄᑦ ᐊᒻᒪᓗ ᐃᓕᑕᕆᔭᐅᓂᖃᖏᑦᑐᓄᑦ ᐊᓪᓚᓄᑦ, ᐅᓪᓗᒥ ᑐᓴᖅᑎᑦᑎᖃᐅᔪᖅ ᐅᓪᓗᒥ ᓂᖀᑦ ᓄᓇᒥᖔᖅᑐᑦ ᐊᑭᑭᒡᓕᒋᐊᖅᑕᐅᓯᒪᓂᐊᕐᒥᔪᑦ ᐊᑖᒍᑦ ᓂᕿᑦᑎᐊᕙᓕᕆᓂᖅ ᐅᑭᐅᖅᑕᖅᑐᖓᓂ ᑲᓇᑕᐅᑉ.

“ᒐᕙᒪᒋᔭᕗᑦ ᐱᓂᐊᕐᓂᖃᕐᒪᑕ ᐱᐅᓯᒋᐊᖅᑎᑦᑎᔪᒪᓂᖅ ᐃᓅᓯᖏᓐᓂᒃ ᐅᑭᐅᖅᑕᖅᑐᒥᐅᑕᐃᑦ,” ᐅᖃᖃᐅᔪᖅ ᒥᔅᑕ ᕆᒃᕗᑦ. “ᐅᑭᐅᖅᑕᖅᑐᒥᐅᑕᐅᖃᑦᑕᕐᓂᑰᓪᓗᖓ ᓇᖕᒥᓂᖅ, ᐃᓕᑕᕆᓯᒪᔭᕋ ᐱᒻᒪᕆᐅᓂᖏᑦ ᓄᓇᒥᖔᖅᑐᑦ ᓂᖀᑦ ᐅᑭᐅᖅᑕᖅᑐᒥᐅᑕᓄᑦ, ᑕᒪᐃᓐᓂᒃ ᐃᓕᖅᑯᓯᖏᓐᓄᑦ ᐃᓱᒪᒋᓪᓗᒋᑦ ᐊᒻᒪᓗ ᓂᕿᑦᑎᐊᕙᐅᓂᖏᓐᓄᑦ. ᑕᐃᒪᐃᓐᓄᖓᓄᑦ ᐃᓚᓕᐅᑎᔭᐅᓯᒪᕗᑦ ᐊᑭᑭᒡᓕᒋᐊᕈᑎᖃᕐᓂᐊᖅᑐᓄᑦ, ᓂᐅᕐᕈᑎᒃᓴᓕᐊᖑᓯᒪᔪᑦ ᓄᓇᒥᖔᕐᓂᑯᑦ ᓂᖀᑦ ᐊᑖᒍᑦ ᓂᕿᑦᑎᐊᕙᓕᕆᓂᖅ ᐅᑭᐅᖅᑕᖅᑐᖓᓂ ᑲᓇᑕᐅᑉ.”

ᓄᓇᓖᑦ ᐃᖃᓗᒃᑑᑦᑎᐊᕐᒥ ᐊᒻᒪᓗ ᑲᖏᖅᖠᓂᒥᕐ ᑐᖓᓱᒃᑎᑦᑎᕝᕕᐅᓚᐅᖅᑐᑦ ᒪᓕᒐᓕᐅᕐᕕᐅᑉ ᑲᓇᑕᒥ ᑎᑎᕋᖅᑎᖓᓂᒃ, ᒪᕐᕈᖕᓂᒃ ᐅᓪᓘᖕᓂᒃ ᑎᑭᓯᒪᓂᖓᓂ, ᓄᓇᓕᖕᒥᐅᓂᒃ ᐅᖃᕐᕕᖃᖅᓱᓂᓗ ᐱᔾᔪᑎᖃᖅᑐᓂᒃ ᓂᕿᑦᑎᐊᕙᓕᕆᓂᕐᒥᒃ ᐅᑭᐅᖅᑕᖅᑕᖓᓂ ᑲᓇᑕᐅᑉ.  ᑕᐃᒃᑯᓇᓂ ᒥᔅᑕ ᕆᒃᕗᑦ ᑕᑯᓂᐊᖅᓯᒪᓚᐅᕐᒥᔪᖅ ᐅᑭᐅᖅᑕᖅᑐᒥ ᓂᐅᕕᕐᕕᖕᓂᒃ ᐊᒻᒪᓗ ᓂᕿᓕᕆᕝᕕᖕᓂ ᑕᒪᐃᓐᓂ ᓄᓇᓕᖕᓂ, ᑐᓴᕐᕕᒋᔭᖅᑐᖅᓯᒪᓪᓗᓂᒋᓪᓗ ᐃᓱᒪᒋᔭᐃᑦ ᐅᑭᐅᖅᑕᖅᑐᒥᐅᑕᐃᑦ.

ᓄᓇᒥᖔᖅᑐᑦ ᓂᖀᑦ ᐱᒻᒪᕆᐊᓗᖕᒥᒃ ᑎᒥᒧᑦ ᐱᐅᔪᓂᒃ ᐱᑕᖃᕐᒪᑕ, ᐅᑭᐅᖅᑕᖅᑐᒥᐅᓪᓗ ᓂᐅᕕᖅᐸᒃᑐᑦ ᐃᑲᔪᖅᑕᐅᕚᓪᓕᖅᓯᒪᓂᐊᖅᑐᑦ ᐊᑐᐃᓐᓇᐅᓂᖅᓴᐅᓕᕐᓂᖏᓐᓄᑦ ᑕᒪᒃᑯᐊ ᓂᖀᑦ. ᓄᓇᒥᖔᖅᑐᑦ ᓂᖀᑦ ᓂᕿᓕᐊᕆᔭᐅᓯᒪᔪᑦ ᐊᖏᖅᑕᐅᓯᒪᔪᓂ ᓂᕿᓕᕆᕝᕕᖕᓂ ᐅᑭᐅᖅᑕᖅᑐᒥ ᐃᓚᐅᔪᓐᓇᕐᓂᐊᖅᑐᑦ ᓂᐅᕕᐊᒃᓴᐅᓂᖏᓐᓂ ᐊᑭᑭᒡᓕᒋᐊᕈᑎᒃᓴᖃᖅᑎᑕᐅᓂᐊᖅᑐᓂ ᐊᑖᒍᑦ ᐊᑐᕐᓂᖏᓐᓂ ᓂᕿᑦᑎᐊᕙᓕᕆᓂᖅ ᐅᑭᐅᖅᑕᖅᑐᖓᓂ ᑲᓇᑕᐅᑉ. ᑕᒪᒃᑯᓄᖓ ᐊᑭᑭᒡᓕᒋᐊᕈᑏᑦ ᐃᑲᔫᑕᐅᓂᐊᖅᑐᑦ ᐊᒥᓲᓂᖅᓴᓄᑦ ᑎᑭᐅᒪᔪᓐᓇᕐᓂᖏᑦ ᓄᓇᒥᖔᖅᑐᑦ ᓄᓇᓖᑦ, ᐃᓚᐅᑎᑕᐅᔪᓄᑦ ᐊᑭᑭᒡᓕᒋᐊᕈᔾᔭᐅᓯᒪᔪᓄᑦ ᓄᓇᓕᖕᓄᑦ.

Nutrition North Canada ᓂᕿᑦᑎᐊᕙᓕᕆᓂᖅ ᐅᑭᐅᖅᑕᖅᑐᖓᓂ ᑲᓇᑕᐅᑉ ᓄᑖᖑᕗᖅ ᑲᓇᑕᓕᒫᒥ ᓂᐅᕕᕐᕕᐊᒃᓴᓂᒃ ᐊᑭᑭᒡᓕᒋᐊᖅᑕᐅᓯᒪᔾᔪᑎᓖᑦ, ᐊᑐᕆᐊᕐᓂᐊᖅᓱᑎᒃ ᐄᐳ 1, 2011−ᒥ, ᐊᒻᒪᓗ ᐊᑐᐃᓐᓇᐅᓂᖅᓴᐅᓂᐊᖅᓱᑎᒃ ᓂᕿᑦᑎᐊᕙᐃᑦ, ᓱᕈᖅᓴᕋᐃᑦᑐᑦ ᓂᖀᑦ ᑲᓇᑕᒥᐅᓄᑦ ᓄᓇᓕᖕᓃᑦᑐᓂ ᑎᑭᑕᐅᓴᕋᐃᖏᑦᑐᓂ, ᐅᖓᓯᒃᑐᓂ.

ᓂᕿᑦᑎᐊᕙᓕᕆᓂᖅ ᐅᑭᐅᖅᑕᖅᑐᖓᓂ ᑲᓇᑕᐅᑉ − ᐊᑐᐃᓐᓇᐅᑎᑦᑎᓂᖅ ᓄᑖᓂᒃ, ᐱᐅᔫᑎᓂᒃ ᑎᒥᒧᑦ ᓂᕿᓂᒃ ᐅᑭᐅᖅᑕᖅᑐᒥᑕᐃᑦ ᐊᖏᕐᕋᕆᔭᖏᓐᓄᑦ.

ᑐᑭᓯᒋᐊᑦᑎᐊᒃᑲᓐᓂᕈᒪᒍᕕᑦ, ᐅᖃᕐᕕᒋᓗᒍ:

ᑐᓴᒐᒃᓴᓂᒃ ᐱᔪᒪᖃᑦᑕᕈᕕᑦ ᑕᒪᐃᓐᓂᒃ ᓄᑖᓂᒡᓗ ᑐᓴᒐᒃᓴᓕᐊᖑᕙᓪᓕᐊᔪᓂᒃ ᐱᑲᐅᑎᒋᔪᓐᓇᖅᑐᑎᑦ. ᑕᑯᓂᐊᕐᓗᒍ ᐅᓇ ᑕᑯᓂᐊᖅᑕᕕᒃᐳᑦ: Media Room RSS Feed ᐊᒻᒪᓗ  INAC   ᐊᒻᒪᓗ Nutrition North Canada   ᓂᕿᑦᑎᐊᕙᓕᕆᓂᖅ ᐅᑭᐅᖅᑕᖅᑐᖓᓂ ᑲᓇᑕᐅᑉ  Twitter−ᑯᑦ ᐱᕙᓪᓕᐊᔪᓂᒃ  ᓴᕿᑦᑎᑲᐅᑎᒋᕝᕕᐅᔫᑦ ᑐᑭᓯᒋᐊᑦᑎᐊᒃᑲᓐᓂᕈᒪᒍᕕᑦ ᐅᕝᕙᓗᓐᓃᑦ ᐊᑎᓕᐅᖅᑕᐅᖃᑕᐅᔪᒪᒍᕕᑦ ᐱᑎᑕᐅᖃᑦᑕᖅᑐᓂᒃ ᑐᓴᒐᒃᓴᓂᒃ.