ᐅᖃᐅᓯᒃᓴᓕᐊᑦ ᐅᒡᒍᐊᕐᓂᕐᒧᑦ - ᐊᖓᔪᖄᖅ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ, ᔫᓯ ᑯᓱᒐᖅ

ᓈᓴᐅᑎᑦ 2-3455

ᐋᑐᕚ, ᐋᓐᑎᐅᕆᔫ (ᔭᓄᐊᕆ 20, 2011) – ᓂᕈᐊᖅᑕᐅᓯᒪᔪᖅ ᔮᓐ ᑕᓐᑭᓐ, ᒥᓂᔅᑕᐅᔪᖅ ᐃᓄᓕᕆᔨᑐᖃᒃᑯᓐᓄᑦ ᐊᒻᒪᓗ ᑲᓇᑕᒥ ᑲᒪᔨᐅᓂᕐᒧᑦ ᐊᓪᓚᖓᔪᓄᑦ ᐊᓪᓚᓄᓪᓗ ᐃᓕᑕᕆᔭᐅᓂᖃᕈᓐᓃᖅᓯᒪᔪᓄᑦ ᓴᕿᑎᑦᑎᖃᐅᔪᖅ ᐅᑯᓂᖓ ᐅᖃᐅᓯᒃᓴᓂᒃ ᐅᓪᓗᒥ, ᐃᓅᔪᓐᓃᖅᑎᓪᓗᒍ ᔫᓯ ᑯᓱᒐᖅ, ᐊᖓᔪᖄᕆᔭᐅᓚᐅᖅᑐᖅ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐊᒻᒪᓗ ᐊᖓᔪᖄᕆᔭᐅᓚᐅᖅᓯᒪᔪᖅ ᑕᒪᐃᓐᓄᑦ ᐃᓄᐃᑦ ᑕᐱᕇᒃᓴᑦ ᑲᓇᑕᒥ ᑕᐃᔅᓱᒪᓂ (ᒫᓐᓇᐅᓕᖅᑐᖅ ᐃᓄᐃᑦ ᑕᐱᕇᑦ ᑲᓇᑕᒥ) ᐊᒻᒪᓗ ᓄᓇᕗᑦ ᑐᓐᖓᕕᒃᑯᑦ ᑎᒥᖁᖓᓐᓄᑦ.

“ᐅᖃᕈᒪᔪᖓ ᐊᒃᓱᒻᒪᕆᐊᓗᒃ ᓄᒫᓱᖃᑕᐅᓂᓐᓂᒃ ᐃᓅᔫᓐᓃᕐᓂᖓᓂ ᔫᓯ ᑯᓱᒐᖅ, ᑕᐃᓐᓇ ᐊᒥᓱᒻᒪᕆᖕᓂᒃ ᐱᓕᕆᓯᒪᖕᒪᑦ ᐱᔾᔪᑎᓪᓗᓂᒋᑦ ᐃᓄᐃᑦ, ᐅᑭᐅᖅᑕᖅᑐᒥᐅᑦ, ᑕᒪᕐᒥᒡᓗ ᑲᓇᑕᒥᐅᑕᐃᑦ. ᑭᒡᒐᖅᑐᕐᓗᒋᑦ ᑲᓇᑕᐅᑉ ᒐᕙᒪᒃᑯᖏᑦ, ᐊᒃᓱᐊᓗᒃ ᓴᐃᒪᓂᖃᖁᕙᕗᑦ ᐃᓚᒋᔭᖏᑦ, ᐱᖃᓐᓂᕆᔭᖏᑦ ᐊᒻᒪᓗ ᐱᓕᕆᖃᑎᒋᕙᓚᐅᑦᑕᖏᑦ ᔫᓯ ᑯᓱᒐᐅᑉ.

ᑯᓱᒐᖅ ᐊᑐᖅᐸᓚᐅᖅᑐᖅ ᑐᓴᐅᒪᑎᑦᑎᔪᓐᓇᕐᓂᕐᒥᓂᒃ ᐊᔪᖏᓐᓂᕐᒥᓂᒃ ᐃᓅᓯᓕᒫᒥᓂ, ᐃᓕᓐᓂᐊᖅᑎᑦᑎᔨᐅᓪᓗᓂ, ᑐᓴᒐᒃᓴᓕᕆᔨᐅᓪᓗᓂ, ᓯᕗᓕᐅᖅᑎᐅᓪᓗᓂ, ᑕᐱᕆᔭᐅᓪᓗᓂᓗ ᐃᓄᖕᓄᑦ ᐃᓱᒪᓘᑕᐅᕙᒃᑐᓄᑦ. ᐊᖓᔪᖄᕆᔭᐅᓂᕐᒥᓂᒃ ᐃᓄᐃᑦ ᓄᓇᑖᕈᑎᖏᓐᓄᑦ ᑎᒥᖁᑎᖓᓄᑦ, ᓄᓇᕗᑦ ᑐᓐᖓᕕᒃᑯᑦ, ᐱᒻᒪᕆᐅᓂᖅᐹᒥᒃ ᐱᓇᓱᐊᖅᑎᐅᖃᑕᐅᓚᐅᖅᑐᖅ ᐊᔩᖃᑎᒌᒍᑕᐅᓂᖏᓐᓂ ᓴᕿᑕᐅᓇᓱᐊᕐᓂᖓ ᓄᓇᕗᑦ, ᐃᓚᒋᓪᓗᒋᑦ ᑲᓇᑕᐅᑉ ᒐᕙᒪᒃᑯᖏᑦ ᐊᒻᒪᓗ ᓄᓇᑦᓯᐊᕐᒥᐅᑦ.

ᐃᓕᓐᓂᐊᕆᐊᖃᑕᐅᓚᐅᖅᓯᒪᔪᖅ ᐊᐅᓪᓚᖅᑎᑕᐅᕙᓚᐅᖅᑐᓂ, ᐃᓕᓐᓂᐊᕐᓂᕐᒥᒃ ᐊᑐᖁᔨᕐᔪᐊᖅᓯᒪᔪᖅ ᐊᖅᑯᑕᐅᓂᖓᓄᑦ ᓴᐳᓐᓂᐊᖅᑕᐅᔪᓐᓇᕐᓂᖏᓐᓄᑦ ᐃᓄᐃᑦ ᐃᓕᖅᑯᓯᖏᑦ. ᐱᓕᕆᓂᕐᒥᓂᒃ ᐃᓕᖅᑯᓯᓕᕆᓂᕐᒥᒃ ᐊᒻᒪᓗ ᐅᖃᐅᓯᓕᕆᓂᕐᒥᒃ ᐅᖃᐅᔾᔨᒋᐊᖅᑎᐅᓗᓂ, ᑯᓱᒐᖅ ᐃᑲᔪᖃᑕᐅᓂᑯᔫᖅ ᐸᐸᑕᐅᓂᖓᓂᒃ ᐃᓄᒃᑎᑐᑦ ᐅᖃᐅᓯᖅ. ᑎᒥᑯᑦ ᓱᒡᒐᖃᓗᐊᕐᓂᕐᒧᑦ ᖃᓂᒪᓂᖃᖅᓱᓂ ᐊᒻᒪᓗ ᑳᓐᓴᒥᒃ ᐊᓐᓂᐊᕐᓂᖃᖅᓱᓂ, ᑯᓱᒐᖅ ᐊᑐᖅᓯᒪᔭᒥᓂᒃ ᐃᓅᓯᕐᒥᓂᒃ ᐊᑐᓚᐅᕐᒥᔪᖅ ᐃᓕᓐᓂᐊᖅᓂᑎᑦᑎᓂᕐᒧᑦ ᐃᓄᖕᓂᒃ ᐊᓐᓂᐊᓕᕐᓇᖅᑐᓂᒃ ᐃᓱᒫᓘᑕᐅᕙᒃᑐᓂᒃ .

ᑯᓱᒐᖅ ᐱᐅᔫᓈᖅᓯᓯᒪᐃᓐᓇᓚᐅᖅᑐᖅ ᐃᓄᐃᑦ ᐃᓅᓯᖏᓐᓂᒃ, ᐃᖅᑲᐅᒪᔭᐅᖏᓐᓇᕐᓂᐊᖅᓱᓂᓗ ᐃᓚᒋᔭᐅᖃᑦᑕᖅᓯᒪᓂᖓᓂᒃ, ᐱᐅᒋᔭᐅᖏᓐᓇᖅᓯᒪᓪᓗᓂᓗ ᑐᖓᓴᐃᔨᐅᖏᓐᓇᕐᓂᖓᓄᑦ ᐊᓐᓂᕆᓗᓂᒋᑦ ᐃᓄᐃᑦ ᐃᓕᖅᑯᓯᑐᖃᖏᑦ ᐊᑐᖅᑕᐅᖏᓐᓇᖁᓪᓗᒋᑦ.”

ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᖃᕐᕕᒋᓂᐊᖅᐸᑎᑦ: 

ᒥᓂᔅᑕᐅᑉ ᐃᖃᓇᐃᔭᕐᕕᖓᑦ                     ᐱᕙᓪᓕᐊᔪᓕᕆᔨᓂᒃ ᐱᓕᖃᑎᖃᕐᓂᖅ
ᒥᓯᐊᓪ-ᔭᒫᓕ ᐸᑭᐊᑦ                             ᐃᓄᓕᕆᔨᑎᑐᖃᒃᑯᑦ ᑲᓇᑕᒥ
ᑐᓴᒐᒃᓴᓕᐊᓄᑦ ᑎᑎᕋᖅᑎ                        819-953-1160 
ᐃᖃᓇᐃᔭᕐᕕᖓ ᓂᕈᐊᖅᑕᐅᓯᒪᔫᑉ ᔮᓐ ᑕᓐᑲᓐ                 
819-997-0002

ᑕᒪᐃᓐᓂᒃ ᐱᔪᓐᓇᖅᑐᑎᑦ ᑐᓴᒐᒃᓴᓕᐊᕆᓯᒪᔭᑦᑎᓐᓂᒃ ᐱᕙᓪᓕᐊᔪᓂᒡᓗ ᓄᑖᓂᒃ ᑐᓴᒐᒃᓴᓕᐊᖑᕙᓪᓕᐊᔪᓂᒃ. ᑕᑯᓂᐊᕐᓗᒍ ᑕᑯᓐᓂᐊᖅᑕᐅᕝᕕᒃᐳᑦ ᐅᕙᓂ Media Room RSS Feed ᖃᐅᔨᒋᐊᕈᒪᒍᕕᑦ ᖃᓄᖅ ᐊᑕᔪᓐᓇᕐᒪᖔᖅᐱᑦ ᓇᒃᓯᐅᔾᔭᐅᖃᑦᑕᐃᓐᓇᕈᓐᓇᖅᑐᓄᑦ .