ᒐᕙᒪᑐᖃᒃᑯᑦ ᑲᓇᑕᒥ ᐅᓂᒃᑳᓕᐊᕐᒥᒃ ᐱᔪᑦ ᐊᑐᐊᒐᖃᐅᓯᖃᕐᓂᕐᒧᑦ ᐱᓕᕆᔾᔪᓯᕐᒥᒃ ᐅᑭᐅᖅᑕᖅᑐᕐᒥ

2-3070

ᔭᓗᓇᐃᕝ, ᓄᓇᑦᓯᐊᖅ (ᔪᒪᐃ 17, 2008) - ᓴᒃ ᓯᑐᕌᓪ, ᒥᓂᔅᑕᒋᔭᐅᔪᖅ ᐃᓄᓕᕆᔨᑐᖃᒃᑯᓐᓄᑦ ᐊᒻᒪ ᑭᒡᒐᖅᑐᐃᔨᐅᔪᖅ ᒐᕙᒪᑐᖃᒃᑯᓐᓂ ᐊᓪᓚᖓᔪᓄᑦ ᐃᓕᓴᕆᔭᐅᙱᑦᑐᓄᓪᓗ ᐊᓪᓚᓄᑦ, ᐅᓪᓗᒥ ᐅᓂᒃᑳᓕᐊᖅᑖᖅᑲᐅᔪᖅ ᑎᑎᕋᑕᐅᓚᐅᖅᑐᒥᒃ ᓂᐅᓪ ᒪᑯᕌᒃ-ᒧᑦ, ᑭᒡᒐᖅᑐᐃᔨᐅᓪᓗᓂ ᐅᑭᐅᖅᑕᖅᑐᕐᒥ ᐊᑐᐊᒐᖃᐅᓰᑦ ᐱᐅᓯᕚᓪᓕᖅᑎᑕᐅᓂᖏᓐᓄᑦ ᐱᒋᐊᖅᑎᑕᐅᔪᒧᑦ.

ᐅᓂᒃᑳᓕᐊᖅ, ᑕᐃᔭᐅᔪᖅ ᐊᖅᑯᑎ ᐱᐅᓯᕚᓪᓕᕐᓂᕐᒧᑦ (The Road to Improvement), ᓴᖅᑭᑎᑕᐅᓚᐅᖅᑐᖅ 100 ᐅᖓᑖᓂ ᑲᑎᒪᖃᑎᕐᑳᓪᓚᓚᐅᖅᖢᑎᒃ ᐅᑭᐅᖅᑕᖅᑐᕐᒥᐅᓂᒃ,  ᐊᒥᓱᓂᒡᓗ ᕿᒥᕐᕈᐊᕌᓪᓚᓚᐅᖅᖢᑎᒃ ᑎᑎᕋᖅᑕᐅᔪᓂᒃ, ᑕᖅᑭᑦ 6 ᐅᖓᑖᓂ. ᒪᖁᕌᒃ ᑐᕌᕐᕕᒋᔭᖃᕐᓂᖅᓴᐅᓚᐅᕋᓗᐊᖅᖢᓂ ᓄᓇᑦᓯᐊᕐᒥ, ᐅᓂᒃᑳᓕᐊᖓ ᐊᑐᓕᖁᔭᖃᕐᒥᔪᖅ ᑐᕌᖓᓪᓗᐊᑕᖃᖅᑐᓂᒃ ᓄᓇᕗᒻᒧᑦ ᔫᑳᓐᔪᓪᓗ.

“ᒐᕙᒪᕗᑦ ᖃᓄᐃᓕᐅᕌᓂᒌᖅᑐᖅ ᐱᐅᓯᕚᓪᓕᖅᑎᑕᐅᓂᖏᓐᓄᑦ ᐊᑐᐊᒐᖃᐅᓯᖃᕐᓃᖅ ᐅᑭᐅᖅᑕᖅᑐᕐᒥ,” ᐅᖃᖅᑲᐅᕗᖅ ᒥᓂᔅᑕ ᓯᑐᕌᓪ. “ᐃᑲᔪᖅᓱᖅᑕᕗᑦ ᐱᓕᕆᔾᔪᓯᖅ ᐃᑲᔪᖅᑐᒥᒃ ᐱᕙᓪᓕᐊᔪᓂᒃ ᓴᐳᒻᑎᓪᓗᒍ ᐊᔾᔨᒋᔭᐅᙱᑦᑐᖅ ᐅᑭᐅᖅᑕᖅᑑᑉ ᐊᕙᑎᐊ ᐊᑯᓂᓗ ᑕᐃᒪᐃᓕᐅᖅᐸᒌᕌᓂᒃᖢᑕ.”

ᐅᓂᒃᑳᓕᐊᖅ ᕿᒥᕐᕈᐊᖅᑕᐅᓛᖅᑐᖅ ᐃᓱᒪᓕᐅᖅᑐᖃᓚᐅᖅᑎᓐᓇᒍ ᓇᓕᐊᒃ ᐊᑐᓕᖁᔭᐅᔪᑦ ᐊᑐᖅᑕᐅᓕᕐᓂᐊᕐᒪᖔᑕ.

ᐅᓪᓗᒥ ᑐᓴᐅᒥᔾᔪᑕᐅᔪᖅ ᐱᒻᒪᕆᐅᓪᓗᓂ ᖃᓄᐃᓕᐅᕐᓂᐅᔪᖅ ᑲᓇᑕᐅᑉ ᒐᕙᒪᑐᖃᒃᑯᑦ ᐸᕐᓇᐅᑎᖓᓂ ᐊᑐᓕᖅᑎᑕᐅᑦᑎᐊᕐᓂᖓᓄᑦ ᐅᑭᐅᖅᑕᖅᑐᕐᒥ ᐱᓕᕆᔾᔪᓯᖅ ᑐᕌᒋᔭᖃᖅᖢᓂᓗ ᓴᙱᒃᑎᒋᐊᖅᑕᐅᓂᖓ ᐅᑭᐅᖅᑕᖅᑐᖃᕐᓂᖅ, ᓴᐳᒻᒥᔭᐅᓂᖓᓂᒡᓗ ᐅᑭᐅᖅᑕᖅᑑᑉ ᐊᕙᑎᑎᒍᑦ ᐃᑦᑕᕐᓂᓴᕐᓂᖓ, ᖁᕝᕙᓯᒋᐊᖅᑕᐅᓂᖓᓂᒃ ᐃᓅᖃᑎᒌᖕᓂᖅ ᐱᕙᓪᓕᐊᔪᓕᕆᓂᕐᓗ, ᐊᒻᒪ ᐱᐅᓯᕚᓪᓕᖅᑎᑕᐅᓂᖓᓂᒃ ᓇᖕᒥᓂᕐᓗ ᐱᔪᓐᓇᖅᓯᑎᑕᐅᓂᖓᓂᒃ ᐅᑭᐅᖅᑕᖅᑐᕐᒥ ᐊᐅᓚᑦᑎᓂᖅ.

ᐅᓂᒃᑳᓕᐊᖅ ᐊᖅᑯᑎ ᐱᐅᓯᕚᓪᓕᕐᓂᕐᒧᑦ     (The Road to Improvement) ᐊᑐᐃᓐᓇᐅᔪᖅ ᐃᑭᐊᖅᑭᕕᖕᒥ ᐅᕙᓂ

ᑐᓴᐅᒪᑎᑦᑎᓕᕆᔩᑦ ᖃᐅᔨᒋᐊᒃᑲᓐᓂᕈᒪᒍᑎᒃ ᖃᐅᔨᒋᐊᕐᕕᒋᔪᓐᓇᖅᑕᖓ:

ᐃᓄᓕᕆᔨᑐᖃᒃᑯᑦ ᑲᓇᑕᒥ